କେନ୍ଦ୍ରାପଡ଼ା:"ମୋର ଟଙ୍କା ଦରକାର ନାହିଁ । ମୋର କାମ ଭଲ ତ ମୁଁ ଭଲ ।" ଏଭଳି କିଛି ଗୁଣୁଗୁଣୁ ହୋଇ କହିବା ସହ ଖରସ୍ରୋତା ସେତୁ ସଫା କରିବାରେ ବ୍ୟସ୍ତ ରହିଛନ୍ତି ଜଣେ ବ୍ୟକ୍ତି । ସଂପୃକ୍ତ ବ୍ୟକ୍ତିଙ୍କ ମାନସିକ ସ୍ଥିତି ଠିକ୍ ନଥିବା ଜଣା ପଡ଼ୁଛି । ଏହାସତ୍ତ୍ବେ ସେ ସେତୁ ସୁରକ୍ଷା କଥା ଚିନ୍ତା କରି ଏହାକୁ ସଫା କରିବାରେ ବ୍ୟସ୍ତ ରହିଥିବା ଦେଖିବାକୁ ମିଳିଛି ।
ନିଃସ୍ବାର୍ଥ ସେବାର ଉଦାହରଣ, ଖରସ୍ରୋତା ସେତୁ ସଫା କରି ଚର୍ଚ୍ଚାରେ ମାନସିକ ବିକୃତ
ସମାଜ ତାଙ୍କୁ ମାନସିକ ବିକୃତ କୁହେ, ହେଲେ ଆଜି ସେ ନିଜ କର୍ମ ପାଇଁ ବେଶ ପରିଚିତ । ଏହି ବ୍ୟକ୍ତି ଜଣଙ୍କୁ ନାମ ପଚାରିବାରୁ ଭଲ ଭାବେ କହି ପାରୁନାହାନ୍ତି । ଗାଁ କଥା ପଚାରିଲେ କହୁଛନ୍ତି ମୋର ଗାଁ ନାହିଁ । କାମ ସରିଲେ ତଳ ଆଡ଼ ଗାଁକୁ ଚାଲିଯିବି । ବିନା ସ୍ବାର୍ଥରେ ସେ ୫୦୦ ମିଟର ସେତୁ ସଫେଇ କାର୍ଯ୍ୟରେ ଲାଗି ପଡ଼ିଛନ୍ତି । ସେହି ବାଟ ଦେଇ ଯାଉଥିବା ଜଣେ ବ୍ୟକ୍ତି ତାଙ୍କୁ ବିସ୍କୁଟ ପାଣି ଦେଇଥିଲେ । ଏହାପରେ କାହିଁକି ଏହି କାମ କରୁଛନ୍ତି ବୋଲି ପଚାରିଥିଲେ ।