ପୋଲିସ ନାଁ କହି ଲୁଟିନେଲେ 50 ହଜାର ଟଙ୍କା ଓ ସୁନା ଗହଣା

ପୋଲିସ ନାଁ କହି ଲୁଟ । ବିଳମ୍ବିତ ରାତିରେ ଘରେ ପଶି 4 ଦୁର୍ବୃତ୍ତ ଲୁଟିନେଲେ 50 ହଜାର ଟଙ୍କା ସହ ସୁନା ଗହଣା । ଏହି ଘଟଣା ଦେଖିବାକୁ ମିଳିଛି କେନ୍ଦ୍ରାପଡାରେ । ଅଧିକ ପଢନ୍ତୁ..

କେନ୍ଦ୍ରାପଡ଼ା: ମାତିଛନ୍ତି ଲୁଟେରା । ଅଭିନବ ଉପାୟରେ କରି ଚାଲିଛନ୍ତି ଲୁଟ । ପୁଣି ଏମିତି ଘଟଣା ଦେଖିବାକୁ ମିଳିଛି କେନ୍ଦ୍ରାପଡାରେ । ନକଲି ପୋଲିସ ସାଜି ବିଳମ୍ବିତ ରାତିରେ ନିକିରାଇ ଥାନା ହଳଦିଆପାଟଣା ଗ୍ରାମର ସୁଧାଂଶୁ ବାରିକଙ୍କ ଘରୁ ୫୦ ହଜାର ଟଙ୍କା ସହିତ ବିଭିନ୍ନ ଗହଣା ଲୁଟି ନେବାରେ ସଫଳ ହୋଇଛନ୍ତି 4 ଜଣ ଦୁର୍ବୃତ୍ତ ।

ଏହି ଦୁର୍ବୃତ୍ତ ଘରେ ପଶି ପୋଲିସର ପରିଚୟ ଦେଇ ପ୍ରାୟ ୩୦ ମିନିଟରୁ ଊର୍ଦ୍ଧ୍ବ ସମୟ ପରିବାର ଲୋକଙ୍କୁ ଆବଦ୍ଧ କରି ଧମକାଇଥିଲେ । ଏହାପରେ ଘରେ ଥିବା ସୁନା ରୁପା ଚୋରି କରିଥିଲେ ନକଲି ପୋଲିସ । ଘଟଣାକୁ ନେଇ ନିକିରାଇ ଥାନାରେ ଏତଲା ମଧ୍ୟ ହୋଇଛି । ତେବେ ଏବେ କେନ୍ଦ୍ରାପଡା ପୋଲିସ କେବେ ଏମାନଙ୍କୁ କାବୁ କରୁଛି ତାହା ଉପରେ ସମସ୍ତଙ୍କ ନଜର ।

କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ