ହୁତୁହୁତୁ ହୋଇ ଜଳିଗଲା ଆମ୍ବୁଲାନ୍ସ, ଡ୍ରାଇଭର ସୁରକ୍ଷିତ

କେନ୍ଦ୍ରପଡା ଜିଲ୍ଲା ମହିପାଳ ନିକଟରେ ଘଟିଛି ଏପରି ଅଘଟଣ । ସର୍ଟସର୍କିଟ ଯୋଗୁଁ ଆମ୍ବୁଲାନ୍ସରେ ନିଆଁ ଲାଗିଥିବା କହିଛନ୍ତି ଆମ୍ବୁଲାନ୍ସ ଡ୍ରାଇଭର । ଅଧିକ ପଢନ୍ତୁ...

କେନ୍ଦ୍ରାପଡା:ହଠାତ୍ହୁ ହୁ ଜଳିଗଲା ଆମ୍ବୁଲାନ୍ସ ।ରୋଗୀ ଛାଡି ଫେରୁଥିବାବେଳେ ଆମ୍ବୁଲାନ୍ସରେ ଲାଗିଲା ନିଆଁ । କେନ୍ଦ୍ରାପଡା ଜିଲ୍ଲା ମହିପାଳ ନିକଟରେ ଘଟିଛି ଏପରି ଅଘଟଣ । ସର୍ଟସର୍କିଟ ଯୋଗୁଁ ନିଆଁ ଲାଗିଥିବା ସୂଚନା ଦେଇଛନ୍ତି ଆମ୍ବୁଲାନ୍ସ ଡ୍ରାଇଭର ।

ସୂଚନାଅନୁସାରେ, କଟକ ବଡ଼ ମେଡିକାଲରୁ ରୋଗୀ ଛାଡି ଫେରୁଥିବା ବେଳେ କେନ୍ଦ୍ରାପଡା ମହିପାଳ ନିକଟରେ ହଠାତ ଆମ୍ବୁଲାନ୍ସରେ ନିଆଁ ଲାଗିଯାଇଥିଲା । ଆମ୍ବୁଲାନ୍ସ ବ୍ୟାଟେରୀ ସର୍ଟସର୍କିଟ ଯୋଗୁଁ ନିଆଁ ଲାଗିଥିବା ସୂଚନା ଦେଇଛନ୍ତି ଡ୍ରାଇଭର । ଅଗ୍ନିକାଣ୍ଡରେ କେହି ଆହତ ହୋଇନଥିବା ସୂଚନା ମିଳିଛି ।

ସହରର ଲୋକାରଣ୍ୟ ସ୍ଥାନରେ 108 ଆମ୍ବୁଲାନ୍ସରେ ନିଆଁ ଲାଗିବା ଘଟଣାକୁ ନେଇ ସ୍ଥାନୀୟ ଜନସାଧାରଣଙ୍କ ମଧ୍ୟରେ କ୍ଷୋଭ ପ୍ରକାଶ ପାଇଛି । ଅନ୍ୟପଟେ ଏହି ଆମ୍ବୁଲାନ୍ସଟିକୁ କେନ୍ଦ୍ରାପଡ଼ା ସାଂସଦ ଅନୁଭବ ମହାନ୍ତି ଜିଲ୍ଲା ମୁଖ୍ୟ ଚିକିତ୍ସାଳୟକୁ ସାଂସଦ ପାଣ୍ଠିରୁ ପ୍ରଦାନ କରିଥିବା ବେଳେ ଏଭଳି ଅଗ୍ନିକାଣ୍ଡକୁ ନେଇ ଜିଲ୍ଲା ମୁଖ୍ୟ ଚିକିତ୍ସାଳୟର କୌଣସି ଅଧିକାରୀ ମତ ରଖିନାହାନ୍ତି ।

କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ