ଫୁଲବାଣୀ : କନ୍ଧମାଳ ଜିଲ୍ଲା ତୁମୁଡିବନ୍ଧ ବ୍ଲକ ବୁଦିଲିପଦର ଘାଟିରେ ଅଘଟଣ। ଟ୍ରକ ଧକ୍କାରେ ଜଣେ ମହିଳାଙ୍କ ମୃତ୍ୟୁ ହୋଇଥିବା ବେଳେ ସ୍ବାମୀଙ୍କ ସମେତ ଦୁଇ ପୁଅ ଝିଅ ଗୁରୁତର ହୋଇଛନ୍ତି । ସେପଟେ ଏହି ଘଟଣାକୁ ନେଇ କ୍ଷତିପୂରଣ ଦାବିରେ ଗ୍ରାମବାସୀ ତୁମୁଡିବନ୍ଧ ଡାକ୍ତରଖାନା ଆଗରେ ରାସ୍ତାରୋକ କରିଛନ୍ତି । ଫଳରେ ପରିସ୍ଥିତି ଉତ୍ତେଜନାପୂର୍ଣ୍ଣ ରହିଛି।
ସୂଚନାନୁସାରେ କନ୍ଧମାଳ ଜିଲ୍ଲା ଲଙ୍କାଗଡ଼ ଗ୍ରାମର ଥଣ୍ଡା ପରାସେଠ୍ ସ୍ତ୍ରୀ ବୈଦି ପରାସେଠ୍, ପୁଅ ରାଜା ଓ ଝିଅ ମମତା ସହ ଏକ ବାଇକ ଯୋଗେ ବାଲିଗୁଡା ଉପଖଣ୍ଡ ସ୍ୱାସ୍ଥ୍ୟକେନ୍ଦ୍ରକୁ ଯାଉଥିଲେ। ତୁମୁଡିବନ୍ଧ ଠାରୁ ପ୍ରାୟ ୯ କିଲୋମିଟର ଦୂର ବୁଦିଲିପଦର ଘାଟିରେ ଯାଉଥିବା ବେଳେ ହଠାତ ଏକ ଅଜଣା ଟ୍ରକ ଆସି ଥଣ୍ଡା ପରାସେଠଙ୍କ ବାଇକକୁ ଆଗପଟୁ ଶକ୍ତ ଧକ୍କା ଦେଇଥିଲା ।
ଯେଉଁଥିରେ କି ବାଇକ ସହ ଥଣ୍ଡା ପରାସେଠ ଓ ତାଙ୍କ ପରିବାର ଲୋକେ କିଛି ଦୂରକୁ ଛିଟିକି ପଡ଼ିଥିଲେ। ଫଳରେ ଘଟଣାସ୍ଥଳରେ ହିଁ ସ୍ତ୍ରୀ ବୈଦି ପରାସେଠଙ୍କର ମୃତ୍ୟୁ ହୋଇଥିଲା। ତେବେ ଥଣ୍ଡା ପରାସେଠ ଓ ତାଙ୍କ ଦୁଇପୁଅ ଝିଅ ଗୁରୁତର ହୋଇ ରାସ୍ତା କଡ଼ରେ ପଡ଼ିଥିଲେ।