ବିଦ୍ୟୁତ ଆଘାତରେ 2 ଯୁବକ ମୃତ

ବିଦ୍ୟୁତ ସଂସ୍ପର୍ଶରେ ଆସିବାରୁ 2ଜଣ ଯୁବକଙ୍କ ମୃତ୍ୟୁ ହୋଇଛି । ମୃତକଦ୍ୱୟ କନ୍ଧମାଳ, ଦାରିଙ୍ଗବାଡି ବ୍ଲକ ଅଧିନସ୍ଥ କଲେଙ୍ଗବାଡ଼ି ଗ୍ରାମର।

ଫୁଲବାଣୀ: ବିଦ୍ୟୁତ ଆଘାତରେ 2 ଯୁବକ ମୃତ୍ୟୁ ହୋଇଛି । ତେବେ ମୃତକଦ୍ବୟ କନ୍ଧମାଳର ଦାରିଙ୍ଗବାଡି ବ୍ଲକ କଲେଙ୍ଗବାଡ଼ି ଗ୍ରାମର ବୋଲି ଜଣାପଡିଛି । ତେବେ ବିଲରେ କାମ କରୁଥିବା ବେଳେ ବିଦ୍ୟୁତ ତାର ସଂସ୍ପର୍ଶରେ ଆସିବାରୁ ସେମାନଙ୍କର ମୃତ୍ୟୁ ହୋଇଥିବା କୁହାଯାଉଛି। ଏହାଯୋଗୁଁ ଅନ୍ୟ 2 ଜଣ ମଧ୍ୟ ଆହତ ହୋଇଛନ୍ତି।

ମୃତକଦ୍ବୟ ହେଲେ କଲେଙ୍ଗବାଡ଼ି ଗ୍ରାମର ରଞ୍ଜନ ପ୍ରଧାନ (21) ଏବଂ ଲିକୁ ପ୍ରଧାନ( 18) । ଏହାସହ ଆହତଦ୍ୱୟ ହେଉଛନ୍ତି ଜଳେନ୍ଦ୍ର ପ୍ରଧାନ ଓ ସୁରଜ ପ୍ରଧାନ। ଆହତଙ୍କୁ ଦାରିଙ୍ଗବାଡି ମେଡିକାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି। ଏ ଘଟଣାକୁ ନେଇ ଗାଁରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଛି।

କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ