କନ୍ଧମାଳ: ବାଲିଗୁଡା ଥାନା ଅଞ୍ଚଳର ଜଣେ ନାବାଳିକା ଛାତ୍ରୀଙ୍କୁ ଅପହରଣ ଓ ଗଣଦୁଷ୍କର୍ମ ମାମଲାରେ ଦଣ୍ଡାଦେଶ ଶୁଣାଇଛନ୍ତି ଫୁଲବାଣୀ ଅତିରିକ୍ତ ଜିଲ୍ଲା ଦୌରାଜଜ୍ ତଥା ପୋକ୍ସ କୋର୍ଟ । ଅଭିଯୁକ୍ତ ବାଲିଗୁଡା ଖଜୁରିନାଳ ଦୁମୁଡିସାହିର ରଞ୍ଜିତ ସାହୁ ଓ ସିନ୍ଧ୍ରିଗାଁ ପାସେରିପଡାର ଅରୁଣ ସାହୁକୁ ଦୋଷୀ ସାବ୍ୟସ୍ତ କରି 20 ବର୍ଷ ସଶ୍ରମ କାରା ଦଣ୍ଡାଦେଶ କରିଥିବା ବେଳେ 57 ହଜାର ଟଙ୍କା ଜୋରିମାନା କରିଛନ୍ତି। ଏହି ମାମଲାରେ ଜଣକୁ କୋର୍ଟ ଖଲାସ ମଧ୍ୟ କରିଛନ୍ତି।
ନାବାଳିକାକୁ ଦୁଷ୍କର୍ମ ଓ ହତ୍ୟା ଉଦ୍ୟମ; ଦୁଇ ଅଭିଯୁକ୍ତଙ୍କୁ 20 ବର୍ଷ କାରାଦଣ୍ଡ
କୋର୍ଟଙ୍କ ସୂଚନା ଅନୁସାରେ ଦଶମ ଶ୍ରେଣୀରେ ପଢୁଥିବା ନାବାଳିକା ଜଣଙ୍କ ଗାଁ ଦାଣ୍ଡରେ ଖେଳୁଥିବା ସମୟରେ ଏହି ଦୁଇ ଅଭିଯୁକ୍ତ ପିଡିତାର ପାଟି ବନ୍ଦ କରି ଉଠାଇ ନେଇଥିଲେ। ପରେ ମଟର ସାଇକେଲ ଓ କାରରେ ଜଙ୍ଗଲକୁ ନେଇ ଗଣଦୁଷ୍କର୍ମ କରିଥିଲେ। ଏହାପରେ ପଥରରେ ଛେଚି ହତ୍ୟା ଉଦ୍ୟମ କରିଥିଲେ। କିନ୍ତୁ ଅନ୍ୟ ଜଣେ ପହଁଚି ଉଦ୍ଧାର କରିବାକୁ ଉଦ୍ୟମ କରିବାରୁ ତାକୁ ମଧ୍ୟ ମାଡ଼ ମାରି ଲହୁଲୁହାଣ କରିଥିଲେ ଦୁଇ ଅଭିଯୁକ୍ତ।