ଉତ୍କଳ ଦିବସରେ ଓଡିଆ ବରପୁତ୍ରଙ୍କୁ ନାହିଁ ସମ୍ମାନ

କୋରୋନା ଭାଇରସକୁ ନେଇ ରାଜ୍ୟ ସରକାର ସମସ୍ତ ସରକାରୀ ଓ ବେସରକାରୀ କାର୍ଯ୍ୟକ୍ରମ ପାଳନ ଉପରେ କଟକଣା ଜାରି କରିଛନ୍ତି । ହେଲେ କନ୍ଧମାଳ ଫୁଲବାଣୀରେ କୋରୋନା ଭୟରେ ପୂଜ୍ୟ ମହାପୁରୁଷଙ୍କ ପ୍ରତିମୂର୍ତ୍ତିରେ ଖଣ୍ଡିଏ ଫୁଲ କି ଧୂପ ଟିକେ ଦିଆଗଲା ନାହିଁ । ଅଧିକ ପଢ଼ନ୍ତୁ...

କନ୍ଧମାଳ: ଉତ୍କଳ ଦିବସରେ ନାହିଁ ବରପୁତ୍ରଙ୍କୁ ସମ୍ମାନ । କୋରୋନା ଭାଇରସକୁ ନେଇ ରାଜ୍ୟ ସରକାର ସମସ୍ତ ସରକାରୀ ଓ ବେସରକାରୀ କାର୍ଯ୍ୟକ୍ରମ ପାଳନ ଉପରେ କଟକଣା ଜାରି କରିଛନ୍ତି । ତେବେ ଏହାକୁ ନେଇ ସରକାର ନିରାଡାମ୍ବର ଭାବେ ଉତ୍କଳ ଦିବସ ପାଳନ ନେଇ ନିର୍ଦ୍ଦେଶ ଦେଇଥିଲେ । ହେଲେ କନ୍ଧମାଳ ଫୁଲବାଣୀରେ କୋରୋନା ଭୟରେ ପୂଜ୍ୟ ମହାପୁରୁଷଙ୍କ ପ୍ରତିମୂର୍ତ୍ତିରେ ଖଣ୍ଡିଏ ଫୁଲ କି ଧୂପ ଟିକେ ଦିଆଗଲା ନାହିଁ ।

ଫୁଲବାଣୀ ଗୋପବନ୍ଧୁ ଛକରେ ଉତ୍କଳମଣିଙ୍କୁ, ମଧୁବାବୁଙ୍କ ପ୍ରତିମୂର୍ତ୍ତିରେ ଟିକେ ସମ୍ମାନ ପ୍ରଦର୍ଶନ କରାଯାଇନାହିଁ। ମାତ୍ର ଏହାକୁ ସହଜରେ ଗ୍ରହଣ କରିପାରି ନାହାନ୍ତି କିଛି ବୁଦ୍ଧିଜୀବୀ । ଗହଳି ନକରି ମଧ୍ୟ ସମ୍ମାନ ଜଣାଇବାରେ କୌଣସି ଅସୁବିଧା ନ ଥିଲା ବୋଲି ବୁଦ୍ଧିଜୀବୀ ମହଲରେ ଆଲୋଚନା ହେଉଛି।

କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ