ଫୁଲବାଣୀ: କଳି ଯୁଗରେ ବି ମରିନି ମଣିଷପଣିଆ । ଜଣେ ଅତି ଗରିବ ପରିବାରର ଯୁବତୀଙ୍କ ମୃତ୍ୟୁ ପରେ କିଛି ଉତ୍ସାହୀ ସ୍ବେଚ୍ଛାସେବୀ ସମସ୍ତ ଖର୍ଚ୍ଚ ବହନ କରି ଶେଷକୃତ୍ୟ ସମ୍ପନ୍ନ କରିଛନ୍ତି । ଗରିବ ପରିବାର ଲକଡାଉନ ଯୋଗୁଁ ଜୀବିକା ହରେଇ ବସିଥିବା ବେଳେ ଶେଷକୃତ୍ୟ କରିବାକୁ ମୁଣ୍ଡରେ ହାତ ଦେଇ ଅପେକ୍ଷା କରିଥିଲେ । ଏପରି ସମୟରେ ଆସି ମଣିଷ ପଣିଆର ପରିଚୟ ଦେଇଛନ୍ତି ଫୁଲବାଣୀ ଟିମ ହ୍ୟୁମାନିଟିର ସ୍ବେଚ୍ଛାସେବୀ ।
ମାନବିକତା ଦେଖାଇଲା ଟିମ ହ୍ୟୁମାନିଟି, ଗରିବ ଯୁବତୀଙ୍କ କଲେ ଶବସତ୍କାର
କନ୍ଧମାଳ ଜିଲ୍ଲା ଟିକାବାଲି ପାତ୍ର ସାହିର ମୁନା ସାହୁଙ୍କ ଭଉଣୀ ମମି ସାହୁ ଆତ୍ମହତ୍ୟା କରିଥିଲେ । ଅତି ଗରିବ ଏହି ପରିବାରଟି ମୂଲ କାମ କରି ଚଳନ୍ତି । ଲକଡାଉନ ଯୋଗୁଁ କିଛି କାମ ମିଳୁ ନଥିବାରୁ ଏପରି ସ୍ଥିତିରେ ମମି ଆତ୍ମହତ୍ୟା କରିବା ପରେ ପୋଲିସ ମୃତଦେହ ଜବତ କରି ଫୁଲବାଣୀରେ ବ୍ୟବଚ୍ଛଦ ପାଇଁ ଆଣିଥିଲେ । ପରେ ମୃତଦେହ ପରିବାରକୁ ହସ୍ତାନ୍ତର କରିଥିଲେ । ତେବେ ମୃତଦେହକୁ ଟିକାବାଲି ନେଇ ସତ୍କାର କରିବା ପରିବାର ପକ୍ଷରେ ଅସମ୍ଭବ ହୋଇଥିଲା ।