ଫୁଲବାଣୀ: କନ୍ଧମାଳ ଜିଲ୍ଲାରେ ସାପ କାମୁଡ଼ାରେ ମାଆ ସହ ପୁଅର ମୃତ୍ୟୁ । କ.ନୂଆଗାଁ ପଞ୍ଚାୟତର ଡ଼ପାର ଗାଁରେ ଘଟିଛି ଏହି ଦୁଃଖଦ ଘଟଣା । ମୃତକ ହେଲେ ମାଆ ରାଜଲକ୍ଷ୍ମୀ ପ୍ରଧାନ ଏବଂ ପୁଅ ଆଦିତ୍ୟ । ଏହି ଘଟଣା ପରେ ଗାଁରେ ଶୋକାକୂଳ ପରିବେଶ ସୃଷ୍ଟି ହୋଇଛି ।
ଭିଡିଓ ସୌଜନ୍ୟ- ସମ୍ବାଦଦାତା, କନ୍ଧମାଳ
ପରିବାର ଲୋକଙ୍କ କହିବା ଅନୁସାରେ, ରାତି ପ୍ରାୟ ଗୋଟାଏବେଳେ ତଳେ ଶୋଇଥିବାବେଳେ ଉଭୟଙ୍କୁ ସାପ ଦଂଶିଥିଲା । ଉଭୟଙ୍କୁ କ.ନୂଆଗାଁ ମେସିଚଳ ନିଆଯାଇଥିବାବେଳେ ପୁଅ ଆଦିତ୍ୟର ସେଠାରେ ମୃତ୍ୟୁ ହୋଇଥିଲା । ଗୁରୁତର ଅବସ୍ଥାରେ ରାଜଲକ୍ଷ୍ମୀଙ୍କୁ ଫୁଲବାଣୀ ଜିଲ୍ଲା ମେଡିକାଲରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।