ସଡକ ଦୁର୍ଘଟଣାରେ ମାଆ ମୃତ ଓ ପୁଅ ଗୁରୁତର, ଘଟଣାସ୍ଥଳରେ ଉତ୍ତେଜନା

ସଡକ ଦୁର୍ଘଟଣାରେ ମାଆ ମୃତ, ପୁଅ ଗୁରୁତର । ମୃତ୍ୟୁକୁ ନେଇ ତାତିଲେ ଲୋକେ,କଲେ ରାସ୍ତାରୋକ । ଅଧିକ ପଢନ୍ତୁ.... ।

ଫୁଲବାଣୀ : କନ୍ଧମାଳ କୋଟଗଡ଼ରେ ମର୍ମନ୍ତୁଦ ସଡକ ଦୁର୍ଘଟଣାକୁ ନେଇ ରାସ୍ତାରୋକ । ଦୁର୍ଘଟଣାରେ ମାଆର ମୃତ୍ୟୁ ହୋଇଥିବା ବେଳେ ପୁଅ ଗୁରୁତର ହୋଇଛି । ଫଳରେ ,ଘଟଣାସ୍ଥଳରେ ଉତ୍ତେଜନା ଲାଗିରହିଛି । ପୋଲିସ ଘଟଣାର ତଦନ୍ତ ଆରମ୍ଭ କରିଛି ।ସୂଚନା ଅନୁସାରେ,କୋଟଗଡରୁ ବାଲିଗୁଡା ଯାଉ ଥିବା ଏକ ମାଲବାହୀ ଟ୍ରକ ବାଇକ ଆରୋହୀଙ୍କ ଉପରେ ଚଢି ଯିବାରୁ ବାଇକରେ ବସିଥିବା ମହିଳାଙ୍କର ମୃତ୍ୟୁ ହୋଇଥିଲା । ଅନ୍ୟପଟେ ପୁଅକୁ ଗୁରୁତର ଅବସ୍ଥାରେ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରକୁ ପଠାଇ ଦିଆଯାଇଛି |

ସେପଟେ, ଦୁର୍ଘଟଣା ଘଟାଇଥିବା ଟ୍ରକ ଡ୍ରାଇଭର ଓ ହେଲପର ଫେରାର ହୋଇଯାଇଛନ୍ତି । କ୍ଷତିପୂରଣ ଦାବି ନେଇ ରାସ୍ତାରୋକ କରାଯାଇଛି । ରାସ୍ତାରୋକ ଚାଲି ଥିବାରୁ ଶହ ଶହ ଗାଡି ଅଟକି ରହିଛି ।

କନ୍ଧମାଳରୁ ସଦାଶିବ ପାତ୍ର,ଇଟିଭି ଭାରତ