ଫୁଲବାଣୀ: ଲଗାଣ ବର୍ଷାରେ ବେହାଲ କନ୍ଧମାଳ ଜିଲ୍ଲା । ପ୍ରବଳ ବର୍ଷା ଯୋଗୁଁ ଜନଜୀବନ ଅସ୍ତବ୍ୟସ୍ତ । ଘର ଦ୍ବାର, ରାସ୍ତା ଘାଟ ସବୁଠି ଜଳମୟ । ଆଉ ସବୁଠୁ ବଡ କଥା ହେଉଛି ବର୍ଷା ପାଣିରୁ ବର୍ତ୍ତି ପାରିନି ଜିଲ୍ଲାରେ ଥିବା ତୁମୁଡିବନ୍ଧ ମେଡିକାଲ । ମେଡିକାଲ ଭିତରେ ଆଣ୍ଠୁଏ ଆଣ୍ଠୁଏ ପାଣି ଲହଡି ମାରୁଛି । ଫଳରେ ରୋଗୀସେବା ବାଧାପ୍ରାପ୍ତ ହୋଇଛି ।
ଲଘୁଚାପ ବର୍ଷା ପ୍ରଭାବରେ ଚିକିତ୍ସାଳୟ ସମେତ ଆଖପାଖ ଅଞ୍ଚଳରେ ଜଳମୟ ହୋଇଯାଇଛି । ମେଡିକାଲର ବିଭିନ୍ନ ଗୁରୁତ୍ବପୂର୍ଣ୍ଣ ୱାର୍ଡରେ ପସି ଯାଇଛି ପାଣି । ଫଳରେ ରୋଗୀଙ୍କୁ ନାନା ହଇରାଣ ହରକତ ହେବାକୁ ପଡୁଛି । ଖାଲି ସେତିକି ନୁହେଁ ମେଡିକାଲକୁ ଔଷଧ ନେବାକୁ ଆସୁଥିବା ଲୋକେ ମଧ୍ୟ ନାନା ଅସୁବିଧାର ସମ୍ମୁଖିନ ହେଉଛନ୍ତି । ତେବେ ମେଡିକାଲ ପାଇଁ ଏହା ନୂଆ କଥା ନୁହେଁ ସାମାନ୍ୟ ବର୍ଷା ହେଲେ ମେଡିକାଲରେ ପାଣି ପଶିଯାଏ । ତେଣୁ ଏହାର ସମାଧାନ ପାଇଁ ସାଧାରଣରେ ଦାବି ହୋଇଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
