କନ୍ଧମାଳ: ଫୁଲବାଣୀ କରୋନେସନ ପଡିଆରେ ମଙ୍ଗଳବାର ଦିନ କଂଗ୍ରେସ କରୁଛି ବିରାଟ ନିର୍ବାଚନୀ ସଭା । ତେବେ ଏହି ବୈଠକରେ କଂଗ୍ରେସ ଅଧକ୍ଷ ରାହୁଲ ଗାନ୍ଧୀଙ୍କର ଯୋଗଦାନ ଶେଷ ମୂହୂର୍ତ୍ତରେ ବାତିଲ ହୋଇଯାଇଛି । ଏ ନେଇ ସ୍ଥାନୀୟ ଭୋଟର ଖପ୍ପା ହୋଇଥିବା ଦେଖିବାକୁ ମିଳିଛି ।
ଭିଡିଓ ସୌଜନ୍ୟ: ସମ୍ୱାଦଦାତା, କନ୍ଧମାଳ
ମଙ୍ଗଳବାର ଅପରାହ୍ନ ଚାରିଟା ଦଶ ମିନିଟରେ ଫୁଲବାଣୀ ପହଞ୍ଚିବା ପରେ ଲୋକଙ୍କୁ ଭୋଟ ମାଗିଥାନ୍ତେ ରାହୁଲ । କିନ୍ତୁ ପାଗ ଅନୁକୂଳ ନ ଥିବାରୁ ଗସ୍ତକୁ ବାତିଲ କରାଯାଇଥିବା ସୂଚନା ଦେଇଛନ୍ତି ଏଆଇସିସି ସମ୍ପାଦକ ଅନୀଲ ଚୌଧୁରୀ । ତେବେ ଏହି ନିର୍ବାଚନୀ ସଭାରେ ପିସିସି ସଭାପତି ନିରଞ୍ଜନ ପଟ୍ଟନାୟକ, ରାଜ୍ୟ ପ୍ରଭାରୀ ଜିତେନ୍ଦ୍ର ସିଂ, ରାଜ୍ୟ ପାଇଁ ନିଯୁକ୍ତ ସ୍ବତନ୍ତ୍ର ପ୍ରଭାରୀ ଟି ଏସ୍ ଦେଓଙ୍କ ସମେତ ପ୍ରାର୍ଥୀମାନେ ଉପସ୍ଥିତ ରହିବେ ।