ଫୁଲବାଣୀ: ୫ ବର୍ଷୀୟ ନାବାଳିକା ଦୁଷ୍କର୍ମ ମାମଲା(Kandhamal minor rape case) ର ଦୋଷୀକୁ ୨୦ ବର୍ଷ ସଶ୍ରମ କାରାଦଣ୍ଡାଦେଶ ଶୁଣାଇଲେ ଫୁଲବାଣୀ ପୋକ୍ସୋ କୋର୍ଟ(PhulbaniPOCSO Court) । ଏହାସହ ଅଭିଯୁକ୍ତକୁ ୧ ଲକ୍ଷ ଟଙ୍କା ଜୋରିମାନା କରାଯାଇଛି । ତେବେ ଜୋରିମାନା ନଦେଲେ ଅଧିକ ୧ ବର୍ଷ ଜେଲ ଭୋଗିବାକୁ ରାୟରେ ଉଲ୍ଲେଖ ହୋଇଛି।
କନ୍ଧମାଳ ନାବାଳିକା ଦୁଷ୍କର୍ମ ମାମଲା, ଅଭିଯୁକ୍ତଙ୍କୁ ୨୦ ବର୍ଷ ଜେଲ
ମିଳିଥିବା ସୂଚନା ଅନୁସାରେ ୨୦୧୮ ଜୁଲାଇ ୧୭ରେ ଖଜୁରୀପଡା ଥାନା ଅଞ୍ଚଳର ଜଣେ ବୃଦ୍ଧା ତାଙ୍କର ଦୁଇ ନାତୁଣୀଙ୍କୁ ଧରି ଘର ବାରଣ୍ଡାରେ ଶୋଇଥିଲେ । ନିଦ ଭାଙ୍ଗିବା ପରେ ତାଙ୍କର ୫ ବର୍ଷର ନାତୁଣୀକୁ ପାଖରେ ନ ପାଇ ଖୋଜାଖୋଜି କରିଥିଲେ । ଏହାପରେ ତାକୁ ପାଇଖାନା ପାଖରୁ ପରିବାର ଲୋକେ ପାଇ ପଚାରିବାରୁ ଅଭିଯୁକ୍ତ ପ୍ରକାଶ ତାକୁ ଟେକି ନେଇ ଦୁଷ୍କର୍ମ କରିଥିବା ନାବାଳିକା ଜଣକ ପ୍ରକାଶ କରିଥିଲା । ଏନେଇ ୧୯ ରେ ପିଡିତାଙ୍କ ଜେଜେବାପା ଖଜୁରୀପଡା ଥାନାରେ ଏତଲା ଦେଇଥିଲେ ।