ଫୁଲବାଣୀ: ନିଖୋଜ ପରେ ଜଙ୍ଗଲରୁ କଙ୍କାଳ ଉଦ୍ଧାର ଘଟଣାର ପର୍ଦ୍ଦାଫାସ କଲା ପୋଲିସ । ଏହାସହ ତିନି ଜଣ ଅଭିଯୁକ୍ତଙ୍କୁ ଗିରଫ କରିଛି ପୋଲିସ । କନ୍ଧମାଳ ଜିଲ୍ଲା ବାଲିଗୁଡା ଥାନା ରେବିଙ୍ଗିଆ ତୁଳିପାଜୁ ଜଙ୍ଗଲରେ ମାଟି ତଳୁ ନରକଙ୍କାଳ ଉଦ୍ଧାର ଘଟଣାରେ ବାଲିଗୁଡା ପୋଲିସ ଏହା ଘଟଣାର ପର୍ଦ୍ଦାଫାସ କରିଛି । ଜଙ୍ଗରୁ ଉଦ୍ଧାର ହୋଇଥିବା କଙ୍କାଳ ନିଖୋଜ ଟିକୁନ ଗୌଡ଼ର ବୋଲି ଜଣାପଡିଛି । ପୂର୍ଵ ଶତ୍ରୁତାକୁ କେନ୍ଦ୍ର କରି ସମ୍ପର୍କୀୟମାନେ ଟିକୁନକୁ ହତ୍ୟା କରି ମାଟି ତଳେ ମୃତଦେହକୁ ପୋତି ଦେଇଥିବା ତଦନ୍ତରୁ ଜଣାପଡ଼ିଛି ।
ଜଙ୍ଗଲରୁ କଙ୍କାଳ ଉଦ୍ଧାର, 3 ଗିରଫ
ଏହି ନୃଶଂସ ହତ୍ୟା ସମ୍ପର୍କରେ ଏକ ସାମ୍ବାଦିକ ସମ୍ବିଳନୀ କରି ବିସ୍ତୃତ ସୂଚନା ଦେଇଛନ୍ତି ବାଲିଗୁଡା ଏସଡିପିଓ ମନୋଜ ପୂଜାରୀ ଏବଂ ବାଲିଗୁଡା ଥାନା ଅଧିକାରୀ ପ୍ରଶାନ୍ତ କୁମାର ବେହେରା । ଗତ ଫେବୃୟାରୀ 22ରେ କୁଟିଗୁଡ଼ା ଗାଁର ଟିକୁନ ଏକ ବିବାହ ଭୋଜିରେ ଯୋଗ ଦେବାକୁ ଯାଇ ଘରକୁ ଫେରିନ ଥିଲେ ।