କନ୍ଧମାଳ ଗସ୍ତରେ ପୋଲିସ ଡିଜି ଅଭୟ

ଦିନିକିଆ କନ୍ଧମାଳ ଗସ୍ତରେ ପୋଲିସ ଡିଜି । ମାଓ ମୁକାବିଲା ନେଇ ସିଆରପିଏଫ କ୍ୟାମ୍ପରେ କଲେ ସମୀକ୍ଷା ବୈଠକ । ଯୋଗ ଦେଲେ ବହୁ ଅଧିକାରୀ । ଅଧିକ ପଢନ୍ତୁ....

ଫୁଲବାଣୀ:କନ୍ଧମାଳ ଜିଲ୍ଳାକୁ ପୋଲିସ ମହାନିର୍ଦ୍ଦେଶକ ଅଭୟ ଗସ୍ତ କରିଛନ୍ତି । ସେ ପ୍ରଥମେ ଫୁଲବାଣୀ ପୋଲିସ ରିଜର୍ଭ ପଡ଼ିଆରେ ଓହ୍ଲାଇ ଏସପିଙ୍କ କାର୍ଯ୍ୟାଳୟକୁ ଯାଇଥିଲେ । ପରେ, ମାଓ ପ୍ରବଣ ବାଲନ୍ଦପଡା ଗସ୍ତ କରିଛନ୍ତି । ହେଲିକପ୍ଟର ଯୋଗେ ସିଆରପିଏଫ କ୍ୟାମ୍ପରେ ପହଞ୍ଚି ନକ୍ସଲଙ୍କ ଗତିବିଧି ଓ ମାଓ ଦମନ ଅଭିଯାନର ସମୀକ୍ଷା କରିଛନ୍ତି । ପରେ ଜିଲ୍ଲା ପୋଲିସ ଅଫିସର ଅଧିକାରୀଙ୍କ ସହ ଆଲୋଚନା ମଧ୍ୟ କରିଛନ୍ତି ।

ଡିଜିଙ୍କ ସହିତ ଅତିରିକ୍ତ ଡିଜି ସୌମେନ୍ଦ୍ର ପ୍ରିୟଦର୍ଶୀ,ଦକ୍ଷିଣାଞ୍ଚଳ ଡ଼ିଆଇଜି ସତ୍ୟବ୍ରତ ଭୋଇ ପ୍ରମୁଖ ବହୁ ଅଧିକାରୀ ସମୀକ୍ଷାରେ ଯୋଗ ଦେଇଥିଲେ । ଏହା ସହିତ କୋରୋନା ମୁକାବିଲା,ଅପରାଧିକ ସ୍ଥିତି,ଜିଲ୍ଲାରେ ଗଞ୍ଜେଇ ଚୋରାଚାଲାଣ ପ୍ରସଙ୍ଗ ନେଇ ଆଲୋଚନା କରିଛନ୍ତି ।

କନ୍ଧମାଳରୁ ସଦାଶିବ ପାତ୍ର,ଇଟିଭି ଭାରତ