ଫୁଲବାଣୀ: ସହରକୁ ଶେଷରେ କଣ୍ଟେନମେଣ୍ଟ ଜୋନ ଘୋଷଣା କରାଯାଇଛି। ସହରର 13 ୱାର୍ଡ ମଧ୍ୟରୁ 12ଟିକୁ କଣ୍ଟେନମେଣ୍ଟ ଘୋଷଣା କରିଛନ୍ତି ଜିଲ୍ଲାପାଳ। ଅନିର୍ଦ୍ଧିଷ୍ଟ କାଳ ଯାଏଁ ଫୁଲବାଣୀ ସହରକୁ କଣ୍ଟେନମେଣ୍ଟ କରାଯାଇଛି।
ସାରଙ୍ଗଡର ଜଣେ କରୋନା ରୋଗୀ ଫୁଲବାଣୀ ମେଡିକାଲରେ ମୃତ୍ୟୁ ହେବା ଏବଂ ବାଲିଗୁଡାର ଜଣେ ଯୁବକ କରୋନା ଆକ୍ରାନ୍ତ ହୋଇ ଫୁଲବାଣୀରେ ରହୁଥିବାରୁ ଏପରି ନିର୍ଦେଶ ଜାରି କରିଛନ୍ତି ଜିଲ୍ଲା ପ୍ରଶାସନ।ଶନିବାର ଦିନ ଜଣେ କୋରୋନା ରୋଗୀ ଫୁଲବାଣୀ ମେଡିକାଲରେ ମୃତ୍ୟୁ ହୋଇଥିଲା। ସେ ସାରଙ୍ଗଡ଼ର ହୋଇଥିବା ବେଳେ ଅସୁସ୍ଥ ହେବାରୁ ତିନି ଚାରିଦିନ ଫୁଲବାଣୀରେ ସମ୍ପର୍କୀୟଙ୍କ ଘରେ ରହିଥିଲେ ଏବଂ ଚିକିତ୍ସିତ ହେଉଥିଲେ। ସେ ଓ ତାଙ୍କ ପରିବାର ବିଭିନ୍ନ ସ୍ଥାନକୁ ଯାଇଥିଲେ। ସେହିପରି ଶୁକ୍ରବାର ବାଲିଗୁଡା ପଣସପୋଡିର ଜଣେ ଯୁବକ କରୋନା ପଜିଟିଭ ଚିହ୍ନଟ ହୋଇଥିଲେ। ସେ ଫୁଲବାଣୀରେ ନିଜ ସମ୍ପର୍କୀୟଙ୍କ ଘରେ ବିଭିନ୍ନ ସାହିରେ ରହିଥିଲେ। ଏହା ସହିତ ସହରର ପ୍ରାୟତଃ ସମସ୍ତ ସାହି ଗଳିକୁ ଯାଇଥିଲେ। ସେଥିପାଇଁ 2 ନମ୍ବର ୱାର୍ଡ ଦାମିଗାଁ ବ୍ୟତୀତ ସମସ୍ତ ସହରକୁ କଣ୍ଟେନମେଣ୍ଟ ଜୋନ ଘୋଷଣା କରାଯାଇଛି।