ଫୁଲବାଣୀ: ମହାପ୍ରଭୁ ଶ୍ରୀ ଜଗନ୍ନାଥଙ୍କ ରଥଯାତ୍ରା । ମହାମାରୀ କୋରୋନା କଟକଣା ଯୋଗୁଁ କନ୍ଧମାଳ ଜିଲ୍ଲାରେ ମନ୍ଦିର ପରିସର ଖାଁ ଖାଁ ଲାଗୁଛି । ଜିଲ୍ଲାର ସମସ୍ତ ଜଗନ୍ନାଥ ମନ୍ଦିର ପରିସର ଓ ନିକଟସ୍ଥ ଅଞ୍ଚଳରେ 144 ଧାରା ଜାରି କରାଯାଇଛି। ଆଜି ଠାରୁ ଆସନ୍ତା ଜୁଲାଇ 3 ତାରିଖ ପର୍ଯ୍ୟନ୍ତ ଲାଗିଛି 144 ଧାରା ।
କନ୍ଧମାଳ ଜିଲ୍ଲାରେ ମନ୍ଦିର ପରିସରରେ 144 ଧାରା ଜାରି କରି ନୀତିକାନ୍ତି ପାଳନ
କନ୍ଧମାଳ ଜିଲ୍ଲାର ଜଗନ୍ନାଥ ମନ୍ଦିର ପରିସର 144 ଧାରା ଜାରି କରି ଭକ୍ତଙ୍କ ପ୍ରବେଶ ବନ୍ଦ କରାଯାଇଛି । କେବଳ ନୀତିକାନ୍ତି ପାଳନ କରାଯାଉଛି କିନ୍ତୁ ରଥ ଟଣା ହେଉ ନାହିଁ । ଫଳରେ ଜିଲ୍ଲାରେ ଶ୍ରୀଗୁଣ୍ଡିଚା ଯାତ୍ରା ହୋଇପାରିନାହିଁ । ଫୁଲବାଣୀ ସହିତ କନ୍ଧମାଳ ଜିଲ୍ଲାର ବାଲିଗୁଡା,ଘୁ ଉଦୟଗିରି,ଫିରିଙ୍ଗିଆ,ରାଇକିଆ,କୋଟଗଡ,ଖଜୁରିପଡା,ଗୋଛାପଡା, ପ୍ରଭୃତି ବିଭିନ୍ନ ଶ୍ରୀଜଗନ୍ନାଥ ମନ୍ଦିର ପରିସରରେ ଜିଲ୍ଲା ପ୍ରଶାସନ 144 ଧାରା ଜାରି କରିଛି । କେବଳ ମନ୍ଦିର ମଧ୍ୟରେ ହେଉଛି ନୀତିକାନ୍ତି ପାଳନ କରାଯାଉଛି ।