ଫୁଲବାଣୀ: କନ୍ଧମାଳରେ ରୋଗୀଙ୍କୁ ଅବଧି ଶେଷ ହୋଇଥିବା ଔଷଧ ଦିଆଯାଉଥିବା ଅଭିଯୋଗ ଆସିଛି । ତେବେ ଡାକ୍ତର ନିଜେ ରୋଗୀଙ୍କୁ ଏହି ଏକ୍ସପାୟାର୍ଡ ଔଷଧ ଦେଇଥିବା ଅଭିଯୋଗ ଆସିଛି । ନିଜ ଘରୋଇ କ୍ଲିନିକରେ ରୋଗୀ ଦେଖିବା ପରେ ଡାକ୍ତରଙ୍କୁ ଦିଆଯାଉଥିବା ସାମ୍ପଲ ଔଷଧକୁ ରୋଗୀଙ୍କୁ ଦେଇଥିଲେ । ଏକ୍ସପାଏରୀ ହୋଇଥିବା ଏହି ଔଷଧକୁ କୁଆଡେ ଡାକ୍ତର ରୋଗୀକୁ ବିକ୍ରି କରିଥିବା ଅଭିଯୋଗ କରିଛନ୍ତି ରୋଗୀ ପରିବାର ।
ଫୁଲବାଣୀ ଜିଲ୍ଲା ମେଡିକାଲରେ କାର୍ଯ୍ୟରତ ଡାକ୍ତର ନିଜ ଘରୋଇ କ୍ଲିନିକରେ କେରେଡି ଗାଁର ଜଣେ ରୋଗୀକୁ ଦେଖିବା ପରେ ଅବଧି ଶେଷ ହୋଇଥିବା ଔଷଧ ଦେଇଥିଲେ । କେରେଡି ଗାଁର ମହିଳା ରୋଗୀ ସୁକାନ୍ତୀ ସାହୁ ଘରେ ପହଞ୍ଚି ପିଲାଙ୍କୁ ଦେଖେଇବା ପରେ ଔଷଧ 2015ରୁ ଏକ୍ସପାଏରୀ ହୋଇଥିବା ଜଣାପଡ଼ିଥିଲା । ପରେ ଘଟଣାକୁ ଉଚ୍ଚ ଅଧିକାରୀଙ୍କୁ ଜଣାଇଥିଲେ ।