କନ୍ଧମାଳ: ପୁଣି ଏକ ଜୀବନ୍ତ ବଜ୍ରକାପ୍ତା ଉଦ୍ଧାର । କୋଟଗଡ଼ ବନାଞ୍ଚଳ ଅନ୍ତର୍ଗତ ଶ୍ରୀରାମପୁର ଯୁବାଗୁଡ଼ା ଛକ ନିକଟ ଜଙ୍ଗଲରେ ଜୀବନ୍ତ ବଜ୍ରକାପ୍ତାକୁ ଉଦ୍ଧାର କରାଯାଇଛି । ଏହି ଘଟଣାରେ ୨ ବେପାରୀଙ୍କୁ ଗିରଫ କଲା ବନ ବିଭାଗ ।
ଜୀବନ୍ତ ବଜ୍ରକାପ୍ତା ଉଦ୍ଧାର, ଦୁଇ ଗିରଫ
ସୂଚନା ଅନୁଯାୟୀ, କନ୍ଧମାଳ ଜିଲ୍ଲା କୋଟଗଡ଼ ବନାଞ୍ଚଳରେ ବଜ୍ରକାପ୍ତା ବିକ୍ରି ନେଇ ଦୁଇ ବେପାରୀଙ୍କ ମଧ୍ୟରେ ଡିଲ ଚାଲୁଥିଲା । ଏକ ବିଶ୍ବସ୍ତ ସୂତ୍ରରୁ ଖବର ପାଇ କୋଟଗଡ ରେଞ୍ଜର ବ୍ଲୁ ପ୍ରିଣ୍ଟ ପ୍ରସ୍ତୁତ କରି ଟିମ ଗଠନ କରିଥିଲେ । ଡିଲ ବେଳେ ବନ ବିଭାଗ ଛଦ୍ମ ବେଶରେ ପହଞ୍ଚି ଜୀବନ୍ତ ଭାବେ ବଜ୍ରକାପ୍ତାକୁ ଜବତ କରିଥିଲା। ଘଟଣାରେ ଦୁଇଜଣ ବେପାରୀଙ୍କୁ ଗିରଫ କରାଯାଇଛି । ଗିରଫ ଅଭିଯୁକ୍ତମାନେ ହେଲେ ମାଟିଘରା ଅଞ୍ଚଳର ମିଥୁନ ପଦ୍ମସେଟ ଓ ତ୍ରିପତି କପଟ ପାତ୍ର ।