ଫୁଲବାଣୀ: ଜିଲ୍ଲାରେ ପୁଣି ଆଖି ବୁଜିଲେ ଆଉ ଜଣେ କୋରୋନା ଯୋଦ୍ଧା । ଜିଲ୍ଲାର ଦାରିଙ୍ଗବାଡି କୋର୍ଟରେ କାର୍ଯ୍ୟରତ ଥିବା କନେଷ୍ଟବଳ ଉନେସ ନାୟକ କିଛି ଦିନ ତଳେ କୋରୋନାରେ ଆକ୍ରାନ୍ତ ହୋଇଛି ଚିକିତ୍ସା ନେଉଥିଲେ । ହେଲେ ଚିକିତ୍ସାଧିନ ଅବସ୍ଥାରେ ତାଙ୍କ ଦେହାନ୍ତ ହେବା ପରେ ଶନିବାର ତାଙ୍କ ମର ଶରୀର ଫୁଲବାଣୀରେ ଆସି ପହଞ୍ଚିଥିଲା । ଶୋକାକୂଳ ପରିବେଶରେ ତାଙ୍କୁ ରାଷ୍ଟ୍ରୀୟ ମର୍ଯ୍ୟାଦା ସହ ଅନ୍ତିମ ବିଦାୟ ଦିଆଯାଇଥିଲା ।
କନ୍ଧମାଳରେ ଗଡିଲା ଆଉ ଜଣେ କୋରୋନା ଯୋଦ୍ଧାଙ୍କ ମୁଣ୍ଡ
କୋରୋନାରେ ଆକ୍ରାନ୍ତ ହୋଇଥିବାରୁ ସାମାଜିକ ଦୂରତା ବଜାୟ ରଖିବା ସହ ଅନ୍ୟ ସମସ୍ତ ନିୟମ ପାଳନ କରି ତାଙ୍କର ଅନ୍ତିମ ସଂସ୍କାର ସମ୍ପନ୍ନ କରାଯାଇଥିଲା । ସୂଚନା ଅନୁଯାୟୀ ଚିକିତ୍ସାଧିନ ଅବସ୍ଥାରେ ଆପୋଲୋ ହସ୍ପିଟାଲରେ ଶୁକ୍ରବାର ଉନେସଙ୍କର ମୃତ୍ୟୁ ହୋଇଥିଲା । ଏହାପରେ ତାଙ୍କ ମର ଶରୀରକୁ ଶନିବାର ଫୁଲବାଣୀ ଅଣାଯାଇଥିଲା । ସେଠାରେ ରାଷ୍ଟ୍ରୀୟ ମର୍ଯ୍ୟାଦା ପ୍ରଦାନ କରାଯିବା ପରେ ତାଙ୍କର ଶେଷ କ୍ରିୟା ସମ୍ପନ୍ନ ହୋଇଥିଲା ।