ଫୁଲବାଣୀ: ଗତକାଲି (ଗୁରୁବାର) କନ୍ଧମାଳ ଜିଲ୍ଲା ଚକାପାଦ ଥାନା ଅଞ୍ଚଳରେ ପୋଲିସ ମାଓବାଦୀ ଗୁଳି ବିନିମୟ ହୋଇଥିଲା । ସର୍ଚ୍ଚ ଅପରେସନ ପରେ ମାଓ କ୍ୟାମ୍ପ ଧ୍ଵଂସ ହୋଇଥିବା ଆଜି ଏସପି ସୂଚନା ଦେଇଛନ୍ତି । ବିସ୍ପୋରକ, ଡିଟନେଟର, ହ୍ୟାଣ୍ଡ ଗ୍ରେନେଡ଼ ସହିତ ମାଓ କ୍ୟାମ୍ପ ସରଞ୍ଜାମ ଜବତ କରିଛି ପୋଲିସ ।
କନ୍ଧମାଳ ଓ ଗଞ୍ଜାମ ସୀମାନ୍ତ ଚକାପାଦ ବ୍ଳକ ଲେଙ୍ଗେରି ମୁଣ୍ଡା ଗାଁ ନିକଟ ଜଙ୍ଗଲରେ କୁମ୍ବିଂ ବେଳେ ଗତକାଲି (7 ତାରିଖ) ମାଓବାଦୀ-ସୁରକ୍ଷାକର୍ମୀ ମୁହାଁମୁହିଁ ହୋଇଥିଲେ । ଫଳରେ ଉଭୟଙ୍କ ମଧ୍ୟରେ ଦୀର୍ଘ ସମୟ ଧରି ଗୁଳିବିନିମୟ ହୋଇଥିଲା । ହେଲେ ଗୁଳିବିନିମୟରେ କେହି ମୃତାହତ ହୋଇ ନଥିଲେ ବି ଚକାପାଦ ନିକଟସ୍ଥ ଲେଙ୍ଗେରିମୁଣ୍ଡ ଅନ୍ତର୍ଗତ ଘଞ୍ଚ ଜଙ୍ଗଲରେ ମାଓବାଦୀମାନେ କ୍ୟାମ୍ପ କରିଥିବା ନେଇ କୌଣସି ସୂତ୍ରରୁ ଖବର ପାଇଥିଲେ ପୋଲିସ । ଖବର ମୁତାବକ ଗତକାଲି ଏସଓଜି ଓ ଡିଭିଏଫ ଜବାନମାନେ କୁମ୍ବିଂ ଅପରେସନ କରିଥିଲେ ।
ପୋଲିସ ମାଓବାଦୀ ଗୁଳି ବିନିମୟ, ନକ୍ସଲ କ୍ୟାମ୍ପ ଧ୍ଵଂସ