ଫୁଲବାଣୀ:କନ୍ଧମାଳରେ ଲଜ୍ଜା। ସମ୍ପର୍କୀୟ ନାତୁଣୀକୁ ଅଜା ଦୁଷ୍କର୍ମ କରିଥିବା ଅଭିଯୋଗ । ଅପହରଣ ପରେ ନାତୁଣୀକୁ ଦୁଷ୍କର୍ମ କରାଯାଇଥିବା ପୀଡ଼ିତାଙ୍କ ସମ୍ପର୍କୀୟ ଅଭିଯୋଗ ଆଣିଛନ୍ତି । ଏଭଳି ଘଟଣା ଘଟିଛି କନ୍ଧମାଳ ଜିଲ୍ଲାର କୋଟଗଡ ଥାନା ଅଞ୍ଚଳରେ। ଅଭିଯୁକ୍ତ ଜଣଙ୍କ ହେଉଛି ନକୁଳ ପାରାସେଠ(32 ବର୍ଷ) । ଏନେଇ କୋଟଗଡ ଥାନାରେ ଏକ ମାମଲା ରୁଜୁ ହୋଇଥିବା ବେଳେ ଅଭିଯୁକ୍ତ ଫେରାର ଥିବା ଜଣାପଡିଛି ।
ମିଳିଥିବା ସୂଚନା ଅନୁଯାୟୀ, ଅଭିଯୁକ୍ତ ନକୁଳ ସେପ୍ଟେମ୍ବର 1 ତାରିଖରେ ନାବାଳିକାଙ୍କୁ କୋଟଗଡ଼ ଜଗନ୍ନାଥ ମନ୍ଦିର ପାଖରୁ ଉଠାଇ ନେଇ ପ୍ରଥମେ ବାଲିଗୁଡ଼ା ଓ ପରେ ବ୍ରହ୍ମପୁର ନେଇ ଯାଇଥିଲା । ସେଠାରେ 16 ଦିନ ରଖି ନାବାଳିକାଙ୍କୁ ଧମକ ଚମକ ଦେଇ ଦୁଷ୍କର୍ମ କରିଥିଲା । ଝିଅ କଲେଜରୁ ଘରକୁ ନ ଫେରିବାରୁ ପରିବାର ଲୋକ ନିଜ ସମ୍ପର୍କୀୟ ମାନଙ୍କ ଘରେ ଖୋଜାଖୋଜି କରିଥିଲେ କୌଣସି ଖୋଜଖବର ପାଇନଥିଲେ । ଏହାପରେ 4 ତାରିଖ ଦିନ କୋଟଗଡ଼ ଥାନାରେ ଏକ ଲିଖିତ ଅଭିଯୋଗ କରିଥିଲେ । କୋଟଗଡ଼ ପୋଲିସ ଅଭିଯୁକ୍ତର ଘରକୁ ଯାଇ ପଚରାଉଚରା କରିବାରୁ ନକୁଳଙ୍କ ପରିବାର ଲୋକ ଫୋନ ମାଧ୍ୟମରେ ଡକାଇଥିଲେ।
ଏହା ମଧ୍ୟ ପଢନ୍ତୁ-କଳାହାଣ୍ଡିରେ ଲଜ୍ଜା, ପାଞ୍ଚ ବର୍ଷର ଶିଶୁକନ୍ୟା ସହ ଦୁଷ୍କର୍ମ