ଫୁଲବାଣୀ:ଚାରିଆଡ଼େ ଜମୁଛି ନିର୍ବାଚନୀ ପ୍ରଚାର । କନ୍ଧମାଳ ଜିଲ୍ଲାରେ ନିର୍ବାଚନ ମୈଦାନକୁ ଓହ୍ଲାଇଛନ୍ତି ଶାସକ ଦଳର ନେତା। ଏନେଇ ପଞ୍ଚାୟତିରାଜ ମନ୍ତ୍ରୀଙ୍କ ନିର୍ବାଚନ ସଭାର ମଧ୍ୟ ଆୟୋଜନ ହୋଇଛି । କନ୍ଧମାଳ ଜିଲ୍ଲା ବାଲିଗୁଡା ନିର୍ବାଚନ ମଣ୍ଡଳୀର ୧୫ ଓ ୧୬ ନଂ ଜିଲା ପରିଷଦ ଜୋନରେ ପଞ୍ଚାୟତିରାଜ ମନ୍ତ୍ରୀ ପ୍ରତାପ ଜେନାଙ୍କ ଅଧ୍ୟକ୍ଷତାରେ ନିର୍ବାଚନୀ ସଭା ଅନୁଷ୍ଠିତ ହୋଇଥିଲା।
panchayat election: କନ୍ଧମାଳରେ ପ୍ରତାପ ଜେନାଙ୍କ ନିର୍ବାଚନୀ ସଭା
ବାଲିଗୁଡା ବ୍ଲକ ବିଜେଡି ସଭାପତି ଟୁନା ଦାସଙ୍କ ନେତୃତ୍ବରେ ୧୫ ନଂ ଜୋନ ସଲାଗୁଡା ପଞ୍ଚାୟତର ବିଜେଡି କାର୍ଯ୍ୟାଳୟରେ ସ୍ବଳ୍ପ କର୍ମୀଙ୍କୁ ନେଇ ସଭାର ଆୟୋଜନ ହୋଇଥିଲା । ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ଏହି ଦୁଇ ଜୋନର ପ୍ରାର୍ଥୀଙ୍କୁ ବିପୁଳ ସଂଖ୍ୟା ଭୋଟରେ ବିଜୟୀ କରିବାକୁ ମନ୍ତ୍ରୀ ସମସ୍ତ କର୍ମୀଙ୍କୁ ଆହ୍ବାନ ଦେଇଥିଲେ। ରାଜ୍ୟ ସରକାରଙ୍କ ବିଭିନ୍ନ ଯୋଜନା ସମ୍ପର୍କରେ ଅବଗତ କରି ଲୋକଙ୍କ ପାଖରେ ପହଞ୍ଚିବାକୁ ସେ ପ୍ରତିଶୃତି ଦେଇଥିଲେ।