Panchayat Election: ନିର୍ବାଚନ ମୈଦାନରେ ମେକାନିକାଲ ଇଞ୍ଜିନିୟର

ନିର୍ବାଚନ ମୈଦାନକୁ ଓହ୍ଳାଇଛନ୍ତି ମେକାନିକାଲ ଇଞ୍ଜିନିୟର। ମୌଳିକ ସମସ୍ୟାର ସମାଧାନ ପ୍ରତିଶୃତି ଦେଇ ଗାଁ ଗାଁରେ ଭୋଟ ଭିକ୍ଷା କରୁଛନ୍ତି। ଅଧିକ ପଢ଼ନ୍ତୁ

ଫୁଲବାଣୀ: ଆଉ ଦିନ ଦୁଇଟା ପରେ ଆରମ୍ଭ ହେବ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା। ଏନେଇ ଗାଁଠୁ ସହର ଚାରିଆଡ଼େ ଚାଲିଛି ପ୍ରାର୍ଥୀଙ୍କ ହେଭିୱେଟ ପ୍ରଚାର। ନିଜ ଦଳ ସମର୍ଥକଙ୍କ ସହ ଘରକୁ ଘର ବୁଲି ପ୍ରାର୍ଥୀମାନେ ଭୋଟ ଭିକ୍ଷା କରିବାରେ ଲାଗିଛନ୍ତି ।

ଫୁଲବାଣୀ ନିର୍ବାଚନ ମଣ୍ଡଳୀର କେରେଡି ପଞ୍ଚାୟତରେ ନିର୍ବାଚନର ଉଷ୍ଣ ବାତାବରଣ ସୃଷ୍ଟି ହୋଇଛି । ଚଳିତ ଥର ନିର୍ବାଚନରେ ଅନେକ ଉଚ୍ଚ ଶିକ୍ଷିତ ପ୍ରାର୍ଥୀ ମୈଦାନକୁ ଓହ୍ଲାଇଛନ୍ତି। ମେକାନିକାଲ ଇଂଜିନିୟରିଂ ଛାଡ଼ି ଗ୍ରାମର କଲ୍ୟାଣ ନିମନ୍ତେ ସମିତି ସଭ୍ୟ ପ୍ରାର୍ଥୀ ଭାବେ ନିର୍ବାଚନ ଲଢ଼ଛନ୍ତି ସୁରଜିତ କୁମାର ମଲ୍ଲିକ । ଛାତ୍ର ସମୟରୁ ସମାଜସେବା ପ୍ରତି ତାଙ୍କର ଦୁର୍ବଳତା ଥିବା ନେଇ ସେ କହିଛନ୍ତି।

ଏଥର ନିର୍ବାଚନ ଜିତି ପ୍ରତ୍ୟକ୍ଷ ଭାବେ ଲୋକଙ୍କ ସେବା କରିବାକୁ ତାଙ୍କର ଲକ୍ଷ୍ୟ ରହିଛି । ଅଞ୍ଚଳର ମୌଳିକ ସମସ୍ୟା ସମାଧାନ ପ୍ରତିଶୃତି ଦେଇ ଜନତାଙ୍କୁ ଭୋଟ ମାଗିବାରେ ଲାଗିପଡ଼ିଛନ୍ତି। ତାଙ୍କ ବିପକ୍ଷରେ ରହିଛନ୍ତି ଭାଜପାର ପୂର୍ବତନ ବିଧାୟକ ପ୍ରାର୍ଥୀ ଦେବନାରାୟଣ ପ୍ରଧାନ । ତେବେ ଆସନ ହାତେଇବା ପାଇଁ ଦୁଇ ଦଳ ପକ୍ଷରୁ ଜୋରଦାର ପ୍ରଚାର ଚାଲିଛି ।

କନ୍ଧମାଳରୁ ସଞ୍ଜୟ ପାତ୍ର, ଇଟିଭି ଭାରତ