ଫୁଲବାଣୀ:ଜିଲ୍ଲାରେ ପୁଣି ମାଓବାଦୀ ସକ୍ରିୟ ହୋଇଛନ୍ତି । ବାଲନ୍ଦାପଡ଼ା ପଞ୍ଚାୟତର ସୁକାଙ୍ଗୀ ଜଙ୍ଗଲରେ SOG ଓ DVF ସୁରକ୍ଷାକର୍ମୀଙ୍କ ମିଳିତ କୁମ୍ବିଂ ଅପରେସନ ବଳେ ଏକ ମାଓ ଡମ୍ପକୁ ଠାବ କରାଯାଇଛି । ସେଠାରୁ ଅନେକ ମାଓ ସାମଗ୍ରୀ ଜବତ ହୋଇଥିବା ଏକ ସାମ୍ବାଦିକ ସମ୍ମିଲନୀରେ ସୂଚନା ଦେଇଛନ୍ତି କନ୍ଧମାଳ ଏସପି (SP) ଭିନୀତ ଅଗ୍ରୱାଲ ।
କନ୍ଧମାଳରେ ସୁରକ୍ଷାକର୍ମୀଙ୍କ ସର୍ଚ୍ଚ ଅପରେସନ, ବିପୁଳ ମାଓ ସାମଗ୍ରୀ ଜବତ
ଜଙ୍ଗଲରେ ମାଓବାଦୀ ମାନେ ଏକ ଗୁମ୍ଫାରେ ବହୁ ମାଓ ସାମଗ୍ରୀ ଲୁଚାଇ ରଖିଥିବା ସର୍ଚ୍ଚ ଅପରେସନ ବେଳେ ସନ୍ଧାନ ପାଇଥିଲେ ସୁରକ୍ଷାକର୍ମୀ । ଏହାପରେ ଜିଲ୍ଲାରେ ମାଓପ୍ରବଣ ଅଞ୍ଚଳ ଗୁଡିକରେ ଲଗାତାର କୁମ୍ବିଂ ଅପରେସନ ଜାରି ରହିଛି । ଅଗଷ୍ଟ ୧୬ ତାରିଖରୁ ବାଲନ୍ଦlପଡ଼l ଅଞ୍ଚଳରେ ସୁରକ୍ଷାକର୍ମୀ ମାନେ କୁମ୍ବିଂ ଅପରେସନ ଜାରି ରଖିଥିଲେ । ଅପରେସନ ବେଳେ ଉକ୍ତ ଡମ୍ପରୁ ବିପୁଳ ପରିମାଣରେ ମାଓବାଦୀ ବ୍ୟବହାର କରୁଥିବା ସାମଗ୍ରୀ ଜବତ ହୋଇଛି ।