କନ୍ଧମାଳ: କିଛି ଦିନର ବ୍ୟବଧାନ ପରେ କନ୍ଧମାଳରେ ପୁଣି ମାଓ ସଙ୍ଗଠନ ନିଜର ସ୍ଥିତି ଜାହିର କରିଛି । କନ୍ଧମାଳ ଜିଲା କଞ୍ଜାଲଘୁ ଜଙ୍ଗଲ ଏବଂ ପରୁଭଟାର ଡାଙ୍ଗେରୀ ଜଙ୍ଗଲରେ ଲାଗିଛି ଏହି ମାଓ ପୋଷ୍ଟର । ସେପ୍ଟେମ୍ବର 21ରେ ମାଓ ସଙ୍ଗଠନର ପ୍ରତିଷ୍ଠା ଦିବସ ପାଳନ କରିବାକୁ ପତ୍ରିକା ମାଧ୍ୟମରେ ଆହ୍ଵାନ କରାଯାଇଛି ।
ପୋଷ୍ଟରରେ କମ୍ୟୁନିଷ୍ଟ ପାର୍ଟି କଣ ଓ ଏହା କେବେଠାରୁ ଆରମ୍ଭ ହେଲା ତାହା ସୂଚାଇଛି ମାଓସଙ୍ଗଠନ । ଏହାସହ ସଙ୍ଗଠନର ମୁଖ୍ୟ ଲକ୍ଷ୍ୟ ଉପରେ ଆଲୋକପାତ କରିଛି ସଂଗଠନ । 2004 ରେ ସିପିଆଇ ମାଓବାଦୀ ପାର୍ଟି ଗଠନ ହେବାସହ ଭାରତୀୟ ବିପ୍ଲବ ପାଇଁ ଏକ ଐତିହାସିକ ମୁହୂର୍ତ ବୋଲି ପତ୍ରିକାରେ ଉଲ୍ଲେଖ ରହିଛି ।