ଫୁଲବାଣୀ: ମମିତା ମେହେର ହତ୍ୟା ମାମଲାକୁ ନେଇ ତେଜୁଛି ପ୍ରତିବାଦର ନିଆଁ । ଏନେଇ ଆଜି ଦାରିଙ୍ଗବାଡ଼ି ଆଞ୍ଚଳିକ ମହିଳା ସଂଘ ତରଫରୁ ରାଲି କରାଯିବାପରେ ରାଜ୍ୟପାଳଙ୍କ ଉଦେଶ୍ୟରେ ଦାରିଙ୍ଗବାଡ଼ି ବିଡିଓଙ୍କୁ ଏକ ସ୍ମାରକ ପତ୍ର ପ୍ରଦାନ କରାଯାଇଛି । ସ୍ମାରକପତ୍ରରେ ମମିତା ହତ୍ୟାକାଣ୍ଡ ଘଟଣାରେ ସିବିଆଇ ତଦନ୍ତ ଓ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ବହିଷ୍କାର ପାଇଁ ଦାବି କରାଯାଇଛି ।
ମମିତା ହତ୍ୟାକାଣ୍ଡ : CBI ତଦନ୍ତ ଦାବି କଲା ଆଞ୍ଚଳିକ ମହିଳା ସଂଘ
ଏନେଇ ଆଜି ସକାଳୁ ଦାରିଙ୍ଗବାଡ଼ି ଆଞ୍ଚଳିକ ମହିଳା ମହାସଂଘର ଶତାଧିକ ମହିଳା ତହସିଲ ପଡ଼ିଆରେ ଏକତ୍ରିତ ହୋଇ ଏକ ରାଲିରେ ବାହାରି ବିକ୍ଷୋଭ ପ୍ରଦର୍ଶନ କରିଥିଲେ । ତେବେ ରାଲି ସମୟରେ ମହିଳାମାନେ ହାତରେ ଫ୍ଲାକାର୍ଡ଼ ଧରି ରାଜ୍ୟ ସରକାରଙ୍କ ବିରୋଧରେ ନାରାବାଜି ଦେବା ସହ ମମିତା ହତ୍ୟାକାରୀ ଗୋବିନ୍ଦ ସାହୁଙ୍କୁ ଫାଶି ଦଣ୍ଡ ଦିଆଯାଉ ବୋଲି ନାରା ଦେଇଥିଲେ । ଏଥିସହ ଗୃହରାଷ୍ଟ୍ର ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ କୁଶପୁତ୍ତଳିକା ଦାହ କରିଥିଲେ ।