ରାସ୍ତା କାମ ନିମ୍ନମାନର, ସ୍ଥାନୀୟ ଲୋକଙ୍କ ଆନ୍ଦୋଳନ ଚେତାବନୀ

ଫୁଲବାଣୀ ବ୍ଲକର ତୁଡିପାଯୁ ପଞ୍ଚାୟତର ନବନିର୍ମିତ ରାସ୍ତା କାମ ନିମ୍ନମାନର ହୋଇଥିବା ଅଭିଯୋଗ ହୋଇଛି । ଯାହାକୁ ନେଇ ସ୍ଥାନୀୟ ଲୋକେ ଆନ୍ଦୋଳନର ଚେତାବନୀ ଦେଇଛନ୍ତି । ଅଧିକ ଖବର ପଢନ୍ତୁ...

ଫୁଲବାଣୀ: ଫୁଲବାଣୀ ବ୍ଲକର ତୁଡିପାଯୁ ପଞ୍ଚାୟତର ନବନିର୍ମିତ ରାସ୍ତା କାମ ନିମ୍ନମାନର ହୋଇଥିବା ଅଭିଯୋଗ ହୋଇଛି । ନିର୍ମାଣର ଦଶ ଦିନ ପରେ ପିଚୁ ଉଠିଯାଉଥିବା ଦେଖିବାକୁ ମିଳିଛି । ଯାହାକୁ ନେଇ ସ୍ଥାନୀୟ ଲୋକେ ଅସନ୍ତୋଷ ବ୍ୟକ୍ତ କରିବା ସହ ଆନ୍ଦୋଳନ ଚେତାବନୀ ଦେଇଛନ୍ତି ।

ସାସାଗେରା ଗାଁ ନିକଟରେ ତିଆରି ହୋଇଥିବା ରାସ୍ତାକାମ ନିମ୍ନ ମାନର ହୋଇଛି । ରାସ୍ତା ମରାମତି ନାଁରେ କେବଳ ମାଟି କେତେକ ସ୍ଥାନରେ ପକାଯାଇଛି । ସେହିପରି ନୂଆ ରାସ୍ତା କଥା କହିଲେ ନ ସରେ । ତାଳିପକା ନ୍ୟାୟରେ ରାସ୍ତାରୁ 15 ରୁ କୋଡିଏ ଲକ୍ଷ ଟଙ୍କା ହରିଲୁଟ ହୋଇଥିବା ଅଭିଯୋଗ କରିଛନ୍ତି ସ୍ଥାନୀୟ ଲୋକେ ।

ଏହି ପଞ୍ଚାୟତରେ ରାଜ୍ୟ ପର୍ଯ୍ୟଟନ ସ୍ଥଳ ପୁତୁଡି ରହିଛି । ରାସ୍ତା ଖରାପ କାରଣରୁ ପର୍ଯ୍ୟଟକ ମାନେ ଅସୁବିଧାର ସମ୍ମୁଖୀନ ହେଉଥିବା ପ୍ରକାଶ କରିଛନ୍ତି ।

କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ