ଫୁଲବାଣୀ: ଧନତେରାସରେ ସୁନା ଗହଣ କିଣିବାରେ ବ୍ୟସ୍ତ ଲୋକେ । ଏହି ସମୟରେ ସକ୍ରିୟ ହୋଇଛନ୍ତି ଲୁଟେରା । ସୁନା ଗହଣା କିଣି ଆସୁଥିବା ସମୟରେ ଜଣେ ମହିଳା ଏବଂ ତାଙ୍କ ଝିଅଙ୍କ ଠାରୁ ଲୁଟ୍ ହୋଇଥିବା ଅଭିଯୋଗ ହୋଇଛି । ଏପରି ଘଟଣା କନ୍ଧମାଳ ଜିଲ୍ଲା ବାଲିଗୁଡ଼ାରେ ଦେଖିବାକୁ ମିଳିଛି ।
ବାଲିଗୁଡ଼ା ହାଇସ୍କୁଲ କଲୋନୀରେ ସୁଲତା ପାତ୍ର ତାଙ୍କ ଝିଅସହ ବଜାରରୁ ସୁନା ଗହଣା କିଣି ଘରକୁ ଚାଲିଚାଲି ଫେରୁଥିଲେ । ଏହି ସମୟରେ ହଠାତ୍ ବାଇକରେ ୩ ଜଣ ଲୁଟେରା ଆସି ଗହଣା ବ୍ୟାଗ୍ ଲୁଟି ନେଇଛନ୍ତି । ଗହଣାକୁ ଛଡାଇ ଆଣିବା ପାଇଁ ସଂଘର୍ଷ କରି ପାଖାପାଖି ୧୦୦ ମିଟର ରାସ୍ତାରେ ଘୋଷାରି ହୋଇ ମହିଳା ଜଣକ ଆହତ ହୋଇଥିବା ଜଣାପଡ଼ିଛି । ସେପଟେ ଲୁଟ୍ ଖବର ପାଇ ବାଲିଗୁଡ଼ା ଥାନା ଅଧିକାରୀ ଘଟଣାସ୍ଥଳରେ ପହଞ୍ଚି ଛାନଭିନ୍ ଆରମ୍ଭ କରିଛନ୍ତି ।
କନ୍ଧମାଳରୁ ସଞ୍ଜୟ ପାତ୍ର, ଇଟିଭି ଭାରତ
