ଫୁଲବାଣୀ: କୋରୋନା ପ୍ରତିହତ ପାଇଁ ଉଭୟ କେନ୍ଦ୍ର ଓ ରାଜ୍ୟ ସରକାର ତତ୍ପରତା ଦେଖାଉଛନ୍ତି । ଏଥିପାଇଁ ସାରା ଦେଶରେ ଲକଡାଉନ ଜାରି ରହିଛି । ସେପଟେ ଓଡିଶାର ବିଭିନ୍ନ ଜିଲ୍ଲାରେ କୋଭିଡ ମେଡିକାଲର ଶୁଭାରମ୍ଭ କରାଯାଉଛି । ଟିମ୍ ପାଣ୍ଡିଆନ ମଧ୍ୟ ଘନ ଘନ ବିଭିନ୍ନ ଜିଲ୍ଲାକୁ ଗସ୍ତ କରି କୋଭିଡ ହସ୍ପିଟାଲ ପରଦର୍ଶନ କରୁଛନ୍ତି । ଏହି କ୍ରମରେ ଶନିବାର 5'ଟି' ସଚିବ ଭିକେ ପାଣ୍ଡିଆନ ଓ ମୁଖ୍ୟ ଶାସନ ସଚିବ ଅସିତ ତ୍ରିପାଠୀ କନ୍ଧମାଳ ଜିଲ୍ଲା ଗସ୍ତ କରି କନ୍ଧମାଳ କୋଭିଡ ହସ୍ପିଟାଲ ପ୍ରସ୍ତୁତିର ସମୀକ୍ଷା କରିଛନ୍ତି ।
ସେପଟେ ପାଣ୍ଡିଆନ ଓ ତାଙ୍କ ଟିମଙ୍କ ଗସ୍ତକୁ ନେଇ ଚଳଚଞ୍ଚଳ ହୋଇ ଉଠିଥିଲା କନ୍ଧମାଳ ଜିଲ୍ଲା ପ୍ରଶାସନ । ପୂରା ଦମରେ ଲାଗିପଡିଥିଲେ ସରକାରୀ ଦଳ । ଜିଲ୍ଲା ମୁଖ୍ୟ ଚିକିତ୍ସାଳୟ ପରିସରରେ ଥିବା କୋଭିଡ ହସ୍ପିଟାଲ ଓ ସରକୁଳାର ରୋଡ଼, ନଦୀଖଣ୍ଡି ସାହିକୁ ସାନିଟାଇଜ କରାଯାଇଥିଲା । ପୌରପାଳିକା ରାସ୍ତା ଘାଟ ସଫା କରିବାରେ ଲାଗି ପଡିଥିଲେ । ପୋଲିସ ସମ୍ପୂର୍ଣ୍ଣ ଅଞ୍ଚଳକୁ କର୍ଡନ କରି ରଖିବା ସହ ଗଣମାଧ୍ୟମକୁ ବାରଣ କରାଯାଇଥିଲା। ଗୁଦାରି ଏୟାର ଷ୍ଟ୍ରିପରେ ପହଞ୍ଚିବା ପରେ ପରେ ସିଧାସଳଖ କୋଭିଡ ହସ୍ପିଟାଲକୁ ଆସିଥିଲେ ମୁଖ୍ୟ ଶାସନ ସଚିବ ଓ 5'ଟି' ସଚିବ ।