କାର୍ଯ୍ୟରେ ଅବହେଳା ଅଭିଯୋଗ, 2 ପୋଲିସ ଅଧିକାରୀ ନିଲମ୍ବିତ

କନ୍ଧମାଳ ଏସପିଙ୍କ କାର୍ଯ୍ୟାନୁଷ୍ଠାନ । କାର୍ଯ୍ୟରେ ଅବହେଳା ଅଭିଯୋଗ ଆସିବାରୁ 2 ଅଧିକାରୀଙ୍କୁ କଲେ ନିଲମ୍ବିତ ।

ଫୁଲବାଣୀ: କାର୍ଯ୍ୟରେ ଅବହେଳା ଏବେ ମହଙ୍ଗା ପଡିଛି 2ଜଣ ପୋଲିସ ଅଧିକାରୀଙ୍କୁ । କାର୍ଯ୍ୟରେ ଅବହେଳା ଅଭିଯୋଗ ଆସିବା ପରେ ଏସପି 2ଅଧିକାରୀଙ୍କୁ ନିଲମ୍ବିତ କରିଛନ୍ତି । ଏମିତି ଏକ ଘଟଣା ଘଟିଛି କନ୍ଧମାଳ ଜିଲ୍ଲା ଫୁଲବାଣୀ ସହରରେ । ନିଲମ୍ବିତ ହୋଇଥିବା 2 ଅଧିକାରୀ ହେଉଛନ୍ତି ଏଏସଆଇ ବିଜୟ ନାଏକ ଓ କନେଷ୍ଟବଳ ରଞ୍ଜିତ ବେହେରା ।

ଘଟଣା ଅନୁସାରେ ସହରରେ କିଛି ଦିନ ଧରି ଲଗାତାର ଚୋରି ବୃଦ୍ଧି ପାଇଥିଲା । ଫଳରେ ଲୋକେ ଅତିଷ୍ଠ ହୋଇପଡିଥିଲେ । ପୋଲିସକୁ ବାରମ୍ବାର ଅଭିଯୋଗ ସତ୍ବେ କୌଣସି ପଦକ୍ଷେପ ପୋଲିସ ନେଉନଥିଲା । କିନ୍ତୁ ଲୋକେ ଚୋରି ସଂପର୍କରେ ପୋଲିସକୁ ଜଣାଇଥିଲେ ମଧ୍ୟ ପୋଲିସ କୌଣସି ତତ୍ପରତା ଦେଖାଇନଥିଲା ।

ଫଳରେ ବାଧ୍ୟ ହୋଇ ଲୋକେ ଉପରିସ୍ଥ ଅଧିକାରୀଙ୍କୁ ଜଣାଇଥିଲେ । ଏସପି ପ୍ରତୀକ ସିଂ ଘଟଣାର ଅନୁଧ୍ୟାନ କରି 2 ଅଧିକାରୀଙ୍କୁ ନିଲମ୍ବିତ କରିଛନ୍ତି ।

କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ