ଫୁଲବଣୀ: ସାରା ରାଜ୍ୟରେ ଜାରି ରହିଛି ବର୍ଷାର ରାଜୁତି । ଫଳରେ ଅନେକ ବଡ ବଡ ନଦୀ ସହ ଶାଖା ନଦୀରେ ବନ୍ୟା ପାଣି ଆସି ଏବେ ବହୁ ଜିଲ୍ଲା ଜଳବନ୍ଦୀ ହୋଇଛି । ଗତ ଦୁଇଦିନର ଲଗାଣ ବର୍ଷାରେ କନ୍ଧମାଳ ଜିଲ୍ଲାର ପରିସ୍ଥିତି ପୁରାପୁରି ସଂଗୀନ ହୋଇପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କନ୍ଧମାଳ
ଲଗାଣ ବର୍ଷାରେ ଜିଲ୍ଲାର ବହୁ ଅଞ୍ଚଳକୁ ଯୋଗାଯୋଗ ସଂପୂର୍ଣ୍ଣ ବିଛିନ୍ନ ହୋଇପଡିଛି । ଜିଲ୍ଲାର ତୁମୁଡିବନ୍ଧ, କୋଟଗଡ଼, ବାଲିଗୁଡା ବ୍ଲକର 10ରୁ ଅଧିକ ପଞ୍ଚାୟତ ସହ ଯୋଗାଯୋଗ ବିଛିନ୍ନ ହୋଇଛି । ଏହାସହ ଏନଏଚ-59 ଓ 157ର ଚାରୋଟି ସ୍ଥାନରେ ରାସ୍ତା ଧୋଇ ହୋଇ ଯାଇଥିବାରୁ ଶହ ଶହ ଗାଡି ଅଟକି ରହିଛି । ଏଥିସହ ଜଣେ ବାପା ଓ ତାଙ୍କ ପୁଅଙ୍କ ମଧ୍ୟ ପତ୍ତା ମିଳୁ ନାହିଁ । ସେମାନେ ପାଣିରେ ଭାସି ଯାଇଥିବା ଆଶଙ୍କା କରାଯାଉଛି ।