ଚାଲାଣବେଳେ ମାଡି ବସିଲା ଅବକାରୀ ବିଭାଗ: ୨୪ କେଜି ଗଞ୍ଜେଇ ଜବତ, ୨ ଗିରଫ

ବାହାର ଜିଲ୍ଲାକୁ ଚୋରାଚାଲାଣବେଳେ ୨୪ କେଜି ଗଞ୍ଜେଇ ସହ ୨ ଅଭିଯୁକ୍ତକୁ ଗିରଫ କଲା କନ୍ଧମାଳ ଅବକାରୀ ବିଭାଗ (Kandhamal Excise Department ) । ଏଥି ସହ ଏକ କାରକୁ ମଧ୍ୟ ଜବତ କରାଯାଇଛି । ଅଧିକ ପଢନ୍ତୁ

ଫୁଲବାଣୀ: ଗଞ୍ଜେଇ ଚାଲାଣ ବେଳେ ମାଡି ବସିଲା ଅବକାରୀ ବିଭାଗ । ୨୪ କେଜି ଗଞ୍ଜେଇ (Cannabis Seized) ସହ ୨ ଅଭିଯୁକ୍ତକୁ ଗିରଫ କଲା କନ୍ଧମାଳ ଅବକାରୀ ବିଭାଗ (Kandhamal Excise Department ) । ଗିରଫ ଦୁଇ ଅଭିଯୁକ୍ତ ହେଉଛନ୍ତି ଫିରିଙ୍ଗିଆ ଥାନା ଅନ୍ତର୍ଗତ ମୋତିଙ୍ଗୀଆ ଗ୍ରାମର ଦେବରାଜ କହଁର ଓ କୁମ୍ବୁରୀଗୁଡ଼ାର ପବିତ୍ର ମଲ୍ଲିକ ।

ସୂଚନା ଅନୁଯାୟୀ ଫିରିଙ୍ଗିଆ ଥାନା ନୂଆ ପଦର ଠାରୁ ବାହାର ଜିଲ୍ଲାକୁ ଗଞ୍ଜେଇ ଚୋରା ଚାଲାଣ ହେଉଥିବା ନେଇ ଏକ ବିଶେଷସୁତ୍ରରୁ ଅବକାରୀ ବିଭାଗ ଖବର ପାଇଥିଲା । ଏହାପରେ କଲେଜ ଛକ ଠାରେ ଏକ କାରକୁ ଅଟକାଇ ସର୍ଚ୍ଚ ଅପରେସନ କରି ୨୪ କେଜି ଗଞ୍ଜେଇ ଜବତ କରିଥିଲା ଅବକାରୀ ବିଭାଗ । ତେବେ ୨ ଅଭିଯୁକ୍ତକୁ ଗିରଫ ପରେ ଉଭୟଙ୍କୁ ଏନଡ଼ିପିଏସ ମାମଲା ରୁଜୁ କରି କୋର୍ଟ ଚାଲାଣ କରାଯାଇଛି ।

କନ୍ଧମାଳରୁ ସଞ୍ଜୟ ପାତ୍ର, ଇଟିଭି ଭାରତ