କନ୍ଧମାଳରେ ଧରାପଡିଲା ଫେରାର ଗଞ୍ଜେଇ ବେପାରୀ

କନ୍ଧମାଳ ଜିଲ୍ଲାରେ ଧରାପଡିଲା ପୋଲିସ ଆଖିରେ ଧୂଳି ଦେଇ ଖସି ଯାଇଥିବା ଗଞ୍ଜେଇ ବେପାରୀ । ଗୋଚ୍ଛାପଡା ପୋଲିସ ଏକ ଇନୋଭା କାରରୁ ପ୍ରାୟ ଅଧ କୁଇଣ୍ଟାଲ ଗଞ୍ଜେଇ ନେଇ ଯାଉଥିବାବେଳେ କଳାହାଣ୍ଡିର ରୂପେଣ ସିଂ ବେସରାକୁ ଗିରଫ କରିଛି ।

ଫୁଲବାଣୀ: କନ୍ଧମାଳରୁ ଗିରଫ ହେଲା କଳାହାଣ୍ଡିର ଗଞ୍ଜେଇ ବେପାରୀ । ଦୀର୍ଘଦିନ ଧରି ପୋଲିସ ଆଖିରେ ଧୂଳି ଦେଇ ଫେରାର ହୋଇ ଯାଉଥିଲା ଏହି ମାଫିଆ । ଇନୋଭା କାରରେ ଗଞ୍ଜେଇ ଚାଲାଣ ବେଳେ ଧରିଲା ପୋଲିସ । କନ୍ଧମାଳ ଜିଲ୍ଲା ଗୋଚ୍ଛାପଡା ପୋଲିସ ଏକ ଇନୋଭା କାରରୁ ପ୍ରାୟ ଅଧ କୁଇଣ୍ଟାଲ ଗଞ୍ଜେଇ ନେଇ ଯାଉଥିବାବେଳେ କଳାହାଣ୍ଡି ଜିଲ୍ଲା ଆମପାଣି ଥାନା ଅନ୍ତର୍ଗତ ଡବ୍ରିଗୁଡାର ରୂପେଣ ସିଂ ବେସରାକୁ ଗିରଫ କରିଛି ପୋଲିସ ।

ଗତ 23 ତାରିଖରେ 9 କୁଇଣ୍ଟାଲ ଗଞ୍ଜେଇ ନେଇ ପିକଅପ୍ ଭ୍ୟାନରେ ଯାଉଥିବାବେଳେ ଖସି ପଳାଇଥିବା ଗଞ୍ଜେଇ ମାଫିଆ ଜଣକ ସେହି ରୂପେଣ ସିଂ ବେସରା ବୋଲି ସୂଚନା ଦେଇଛନ୍ତି ଥାନା ଅଧିକାରୀ ଚିତ୍ତ ରଞ୍ଜନ ବେହେରା । ଗିରଫ ପରେ ମଙ୍ଗଳବାର ଜିଲ୍ଲା କୋର୍ଟରେ ତାକୁ ହାଜର କରାଯିବ ।

କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ