ଚକୋଲେଟ ଦେଇ ନାବାଳିକା ଅପହରଣ ଓ ଦୁଷ୍କର୍ମ ଅଭିଯୋଗ, ଜଣେ ଗିରଫ

କନ୍ଧମାଳ ଜିଲ୍ଲା କେ.ନୂଆଗାଁ ଥାନା ଅଞ୍ଚଳର ଜଣେ ନାବାଳିକାକୁ ଅପହରଣ କରି ଅଟକ ରଖିବା ଓ ଯୌନ ନିର୍ଯାତନା ଦେବା ମାମଲାରେ ପୁଲିସ ଜଣକୁ ଗିରଫ କରି କୋର୍ଟ ଚାଲାଣ କରିଛି।

ଫୁଲବାଣୀ: ନାବାଳିକା ଅପହରଣ ଓ ଯୌନ ନିର୍ଯାତନା ମାମଲାରେ ଜଣେ ଗିରଫ । କନ୍ଧମାଳ ଜିଲ୍ଲା କେ.ନୂଆଗାଁ ଥାନା ଅଞ୍ଚଳର ଜଣେ ନାବାଳିକାକୁ ଅପହରଣ କରି ଯୌନ ନିର୍ଯାତନା ଦେବା ମାମଲାରେ ପୁଲିସ ଜଣକୁ ଗିରଫ କରି କୋର୍ଟ ଚାଲାଣ କରିଛି।

ଜାମିନ ନାମଞ୍ଜୁର ହେବାରୁ ବାଲିଗୁଡ଼ା ଜେଲ ହାଜତକୁ ଅଭିଯୁକ୍ତକୁ ପଠାଯାଇଛି। କ. ନୂଆଗାଁ ଥାନା ଅନ୍ତର୍ଗତ ଗୁରୁମାହା ଗାଁର 30 ବର୍ଷୀୟ ଅଚ୍ୟୁତ ପ୍ରଧାନ ଜଣେ ନାବାଳିକାକୁ ଚକୋଲେଟ୍ ଲୋଭ ଦେଖାଇ ଅପହରଣ କରି ନେଇଥିଲେ।

ପରେ ଅଟକ ରଖି ଅସଦାଚରଣ କରିଥିଲା। ପରେ ଥାନାରେ ଅଭିଯୋଗ ହେବା ପରେ ପୁଲିସ ଗିରଫ କରିଛି। ଗିରଫ ପରେ ବାଲିଗୁଡ଼ା ଏଡିଜେ କୋର୍ଟ ଚାଲାଣ କରାଯାଇଛି। ଜାମିନ ନାମଞ୍ଜୁର ହେବାରୁ ଅଚ୍ୟୁତକୁ ବାଲିଗୁଡ଼ା ଜେଲକୁ ପଠାଯାଇଛି ବୋଲି ସୂଚନା ଦେଇଛନ୍ତି ଥାନା ଅଧିକାରୀ ଶ୍ରୀନିବାସ ସାମଲ।

କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ