ଫୁଲବାଣୀ: ଜିଲ୍ଲାର ଅତ୍ୟନ୍ତ ନକ୍ସଲ ଉପଦ୍ରୁତ ଅଞ୍ଚଳରେ ପ୍ରଥମ ଥର ପାଇଁ ଜନ ସମ୍ପର୍କ ଶିବିର ଆୟୋଜନ କରିଛି ଜିଲ୍ଲା ପ୍ରଶାସନ । କୋଟଗଡ ଥାନା ଅନ୍ତର୍ଗତ ଶ୍ରୀରାମପୁରଠାରେ ଜିଲ୍ଲା ପ୍ରଶାସନ ଆୟୋଜନ କରିଛି ଏହି ଶିବିର । ବହୁ ସଂଖ୍ୟାରେ ଲୋକ ଏହି ଶିବିରକୁ ଆସି ଉପକୃତ ହୋଇଛନ୍ତି ।
14ଟି ଏସଏଚଜିକୁ ଦେଢ ଲକ୍ଷ ଟଙ୍କା ଲେଖାଏଁ ବ୍ୟାଙ୍କ ଲୋନ ପ୍ରଦାନ କରାଯାଇଥିବା ବେଳେ 12ଟି ଗ୍ରୁପକୁ 50 ହଜାରର ବିନିଯୋଗ ପାଣ୍ଠି,14 ଜଣଙ୍କୁ ନୂଆ ପେନସନ, 8 ଜଣଙ୍କୁ ହ୍ବିଲ୍ ଚେୟାର, ଦୁଇ ଦୁଇଟି ଲେଖାଏଁ ଅଙ୍ଗନୱାଡିକୁ ଗ୍ୟାସ ଚୁଲା ଓ ଚେଆର ଟେବୁଲ ସହିତ 148 ଜଣଙ୍କୁ ଲେବର୍ କାର୍ଡ ପ୍ରଦାନ କରାଯାଇଛି। ଏଥିସହ 5ଟି ପଞ୍ଚାୟତର ଲୋକେ ଏହି ଶିବିରରେ ଉପସ୍ଥିତ ରହି ନିଜ ଅଞ୍ଚଳର ସମସ୍ୟା ମଧ୍ୟ କହିଥିଲେ । ଜିଲ୍ଲାର ଉଚ୍ଚ ଅଧିକାରୀଙ୍କ ସମେତ ସିଆରପିଏଫ ଅଧିକାରୀ ମଧ୍ୟ ଏହି ଜନ ସମ୍ପର୍କ ଶିବିରରେ ଯୋଗ ଦେଇଥିଲେ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
