ପାଟ୍ରୋଲିଂ ବେଳେ ଗଞ୍ଜେଇ ଜବତ, ତିନି ଅଭିଯୁକ୍ତ ଗିରଫ

ରାଇକିଆ ପୋଲିସର ପାଟ୍ରୋଲିଂ ବେଳେ ଧରାପଡ଼ିଛି ଚାଲାଣ ହେଉଥିବା ଚୋରା ଗଞ୍ଜେଇ । ତିନି ଅଭିଯୁକ୍ତଙ୍କୁ ଗିରଫ କରିବା ସହ ଗ଼ଞ୍ଜେଇ ଭର୍ତ୍ତି କାରକୁ ଜବତ କରିଛି ପୋଲିସ ।

କନ୍ଧମାଳ: ଫିରିଙ୍ଗିଆରୁ ରାଜଧାନୀ ଭୁବନେଶ୍ବରକୁ ହେଉଥିଲା ଗଞେଇ ଚାଲାଣ । ରାଇକିଆ ପୋଲିସର ପାଟ୍ରୋଲିଂ ବେଳେ ଜବତ ହୋଇଛି ଗଞ୍ଜେଇ ଭର୍ତ୍ତି କାର। ଫିରିଙ୍ଗିଆ ଅଞ୍ଚଳରୁ ଏକ କାର ଯୋଗେଁ ଭୂବନେଶ୍ବରକୁ ଗଞ୍ଜେଇ ଚାଲାଣ କରୁଥିଲେ 3 ଅଭିଯୁକ୍ତ।

ପୋଲିସ ସେମାନଙ୍କୁ ଗିରଫ କରିବା ସହ ଗଞ୍ଜେଇ ଚାଲାଣ ହେଉଥିବା କାରକୁ ଜବତ କରିଛି । ଅଭିଯୁକ୍ତମାନେ ହେଲେ ନୟାଗଡ ଜିଲ୍ଲାର ରବିନ୍ଦ୍ର ଖୁଣ୍ଟିଆ, ଫିରିଙ୍ଗିଆ କେଲାପଡାର ଟୁକୁନା ଦିଗାଲ ଓ ଆମ୍ବେଦକର ବାଗ।

ରାଇକିଆ ଥାନାରେ 75/2019ରେ ମାମଲା ରୁଜୁ ହୋଇଛି । ସମସ୍ତଙ୍କୁ କୋର୍ଟ ଚାଲାଣ କରାଯାଇଥିବା ବେଳେ ଜାମିନ ନାମଞ୍ଜୁର ହେବାରୁ ଜେଲ ଯାଇଛନ୍ତି । ଆଗକୁ ଏପରି ଚଢାଉ ଜାରି ରହିବ ବୋଲି କହିଛନ୍ତି ଥାନା ଅଧିକାରୀ ଅଲେଖ ଗରଡିଆ।

କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ