କାର ଭିତରୁ ଅଧ କ୍ବିଣ୍ଟାଲ ଗଞ୍ଜେଇ ଜବତ, ତିନି ଗିରଫ

କନ୍ଧମାଳରୁ କଟକ ଗଞ୍ଜେଇ ଚାଲାଣ କରାଯାଉଥିବା ବେଳେ ଗଞ୍ଜେଇ ଜବତ । ତିନି ଗିରଫ ।

କନ୍ଧମାଳ: ଜିଲ୍ଲା ଫିରିଙ୍ଗିଆ ଥାନା ପୋଲିସ ମଣିପଦର ଠାରେ ଏକ କାରକୁ ଅଟକାଇ ଯାଞ୍ଚ ବେଳେ କନ୍ଧମାଳରୁ କଟକ ଚାଲାଣ କରାଯାଉଥିବା ଗଞ୍ଜେଇ ଜବତ କରିଛି । ସେଥିରେ ଥିବା ଅଧ କୁଇଣ୍ଟାଲ ଗଞ୍ଜେଇ ଜବତ କରିବା ସହିତ ତିନି ଜଣଙ୍କୁ ଗିରଫ କରିଛି।

ଗିରଫମାନେ ହେଲେ କଟକ ଜିଲ୍ଲା ବଡମ୍ବା ଥାନା ଅନ୍ତର୍ଗତ ମିଣିଆବନ୍ଧ ଗାଁର ଆଶିଷ ବିହାରୀ କର ଓ ସୁଶାନ୍ତ ଜେନା ଏବଂ ତିଗିରିଆ ଥାନା ଅନ୍ତର୍ଗତ ପଙ୍କାଳ ଗାଁ ର ସଲମନ ଖଁ। । ଗିରଫ ପରେ ଫୁଲବାଣୀ ଜିଲ୍ଲା କୋର୍ଟରେ ହାଜର କରାଯାଇଥିଲା ଏବଂ ଜାମିନ ନାମଞ୍ଜୁର ହେବାରୁ ଜେଲକୁ ଯାଇଛନ୍ତି 3 ଚାଲାଣକାରୀ । ଲଗାତାର ଚଢାଉ ଜାରି ରହିବ ବୋଲି କହିଛନ୍ତି ଥାନା ଅଧିକାରୀ ପି.ଶ୍ଯାମସୁନ୍ଦର ରାଓ।

କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ