ଫୁଲବାଣୀ: ବିଜେଡି ନେତା ତଥା ଜି ଉଦୟଗିରି NACର ପୂର୍ବତନ ଅଧ୍ୟକ୍ଷ ସଞ୍ଜୀବ ପାତ୍ରଙ୍କ ଅଡିଓ କ୍ଲିପ ଭାଇରାଲ । ଗତ ଦୁଇ ଦିନ ଧରି ସୋସିଆଲ ମିଡିଆରେ ଭାଇରାଲ ହେଉଛି ଏକ ଅଡିଓ କ୍ଲିପ । ଯେଉଁଥିରେ କି NACର ପୂର୍ବତନ ଅଧ୍ୟକ୍ଷ ଜଣଙ୍କ ଜନୈକା ମହିଳାଙ୍କ ସହ ଅଶ୍ରାବ୍ୟ ଭାଷାରେ କଥା ହେଉଥିବା ଶୁଣିବାକୁ ମିଳୁଛି । ତେବେ ଏହା ତାଙ୍କ ସ୍ୱର ନୁହେଁ, ଏହାକୁ ତାଙ୍କର କୌଣସି ବିରୋଧୀ ଉଦେଶ୍ୟ ମୂଳକ ଭାବେ କରିଥିବା ସାମ୍ବାଦିକ ସମ୍ମିଳନୀରେ କହିଛନ୍ତି ସଞ୍ଜୀବ ପାତ୍ର ।
ବିଜେଡି ନେତାଙ୍କ ଅଡିଓ କ୍ଲିପ ଭାଇରାଲ, ବିରୋଧୀଙ୍କ ଚାଲ ବୋଲି କହିଲେ ପୂର୍ବତନ ପୌରାଧ୍ୟକ୍ଷ
ଆଗାମୀ ପୌର ନିର୍ବାଚନରେ ଜି ଉଦୟଗିରି ଏନଏସି ପାଇଁ ମୋ ଧର୍ମପତ୍ନୀ ମିତାରାଣି ପାତ୍ର ପୌରାଧ୍ୟକ୍ଷ ପଦବୀ ପାଇଁ BJDର ଟିକେଟ ଦୌଡରେ ଅଛନ୍ତି । ତାଙ୍କର ଦଳୀୟ ଟିକେଟ ପାଇବା ସମ୍ଭାବନା ଥିବାରୁ ବିରୋଧୀ ଗୋଷ୍ଠୀ ଏପରି କରିଥିବା ସେ ଅଭିଯୋଗ ଆଣିଛନ୍ତି । ଏହା ସଂପୂର୍ଣ୍ଣ ରୂପେ ଭ୍ରାମାତ୍ମକ ଏବଂ ତାଙ୍କ ସ୍ୱରକୁ ଏହି ଅଡିଓ କ୍ଲିପରେ ନକଲ କରାଯାଇଛି ବୋଲି ମଧ୍ୟ ସେ ଅଭିଯୋଗ ଆଣିଛନ୍ତି ।