ଡମ୍ପିଙ୍ଗ ୟାର୍ଡକୁ ସ୍ଥାନୀୟବାସୀଙ୍କ ବିରୋଧ

ସହରର ପେଂଜି ସାହି ନିକଟରେ କରାଯାଇଥିବା ଡମ୍ପିଙ୍ଗ ସ୍ଥାନକୁ ବିରୋଧ କରିଛନ୍ତି ଲୋକେ । ଅଧିକ ପଢନ୍ତୁ...

କନ୍ଧମାଳ: ଫୁଲବାଣୀ ମ୍ୟୁନିସିପାଲିଟିର ଡମ୍ପିଙ୍ଗ ବ୍ୟବସ୍ଥାକୁ ନେଇ ବିରୋଧ । ସହରର ପେଂଜି ସାହି ନିକଟରେ କରାଯାଇଥିବା ଡମ୍ପିଙ୍ଗ ସ୍ଥାନକୁ ବିରୋଧ କରିଛନ୍ତି ଲୋକେ । ମଇଳା ଗଦା କରିବା ସହିତ ସାହିର ପରିବେଶ ଦୂଷିତ ହେଉଛି । ସାହି ଦେଇ ଯାଇଥିବା ଝରଣାରେ ମଇଳା ମିଶୁଛି ଓ ପାଣି ବ୍ୟବହାର କଲେ ନାନାଦି ରୋଗ ହେଉଛି ବୋଲି ଅଭିଯୋଗ କରିଛନ୍ତି ସ୍ଥାନୀୟ ବାସୀ ।

ତେଣୁ ତୁରନ୍ତ ଅନ୍ୟ ସ୍ଥାନରେ ଡମ୍ପିଙ୍ଗ କର ବୋଲି ଦାବି କରି ଅଫିସ ସାମ୍ନାରେ ବିରୋଧ କରିଛନ୍ତି ଲୋକେ । ପରେ ନିର୍ବାହୀ ଅଧିକାରୀଙ୍କୁ ଦାବି ପତ୍ର ଦେଇଛନ୍ତି । ସେପଟେ ବିକଳ୍ପ ବ୍ୟବସ୍ଥା କରାଯିବ ବୋଲି ପ୍ରତିଶ୍ରୁତି ଦିଆଯାଇଛି । ସହରରେ ବର୍ଜ୍ୟବସ୍ତୁ ପରିଚାଳନା ପାଇଁ କିଛି ବ୍ୟବସ୍ଥା ନାହିଁ । ଫଳରେ ଲୋକେ ନାନାଦି ଅସୁବିଧା ଭୋଗୁଛନ୍ତି ।

କନ୍ଧମାଳରୁ ସଦାଶିବ ପାତ୍ର,ଇଟିଭି ଭାରତ