ଫୁଲବାଣୀ:ରାଜ୍ୟ ପୋଲିସ ମହାନିର୍ଦ୍ଦେଶକ ଅଭୟ ଆଜି(ରବିବାର) କନ୍ଧମାଳ ଗସ୍ତ କରିଛନ୍ତି । ସେ ଜିଲ୍ଲାରେ ଚାଲିଥିବା ନକ୍ସଲ ଅପରେସନ ବାବଦରେ ସିଆରପିଏଫ ଯବାନଙ୍କ ସହ ଆଲୋଚନା କରିଥିବା ଜଣାପଡିଛି । ତେବେ ବୈଠକ ବାବଦରେ ଡିଜି ଅଭୟ ଗଣମାଧ୍ୟମକୁ କୌଣସି ପ୍ରତିକ୍ରିୟା ଦେଇନାହାନ୍ତି ।
କନ୍ଧମାଳ ଗସ୍ତରେ ପୋଲିସ ଡିଜିପି ଓ ସିଆପିଏଫ ଡିଜି, ମାଓ ମୁକାବିଲା ପାଇଁ ପ୍ରସ୍ତୁତ କଲେ ରଣନୀତି
ସୂଚନା ଅନୁଯାୟୀ ପୋଲିସ ଡିଜି ଅଭୟ ବାଲିଗୁଡା ଖମନଖୋଲ ଠାରେ ଥିବା ସିଆରପିଏଫ୍ କ୍ୟାମ୍ପକୁ ଯାଇ ଆଲୋଚନା କରିଛନ୍ତି । ପୋଲିସ ଡିଜି ଅଭୟଙ୍କ ସହ ସିଆରପିଏଫ କେନ୍ଦ୍ରୀୟ ଜୋନର ସ୍ବତନ୍ତ୍ର ଡିଜି କୁଳଦୀପ ସିଂହ ମଧ୍ୟ ଉପସ୍ଥିତ ଥିଲେ । ଏହି ଆଲୋଚନାରେ ଜିଲ୍ଲା ଓ ରାଜ୍ୟରେ ନକ୍ସଲ ଅପରେସନ ବାବଦରେ ସମୀକ୍ଷା କରାଯାଇ ଏକ ସ୍ବତନ୍ତ୍ର ରଣନୀତି ପ୍ରସ୍ତୁତ କରାଯାଇଥିବା ବିଶେଷ ସୂତ୍ରରୁ ଜଣାପଡିଛି । ଏହାପରେ ଡିଜିପି ଓ ଅନ୍ୟ ଅଧିକାରୀ ସୈନିକ ସମ୍ମିଳନୀରେ ଯୋଗଦେଇ ଯବାନଙ୍କ ସହ ଆଲୋଚନା କରିଥିଲେ । ଏଥିସହ ଡିଜିପି ଅଭୟ 2 ଜଣ କନଷ୍ଟେବଳଙ୍କ ସହ ମଧ୍ୟ କଥା ହୋଇଥିବା ଜଣାପଡିଛି ।