କନ୍ଧମାଳ ଗସ୍ତରେ ସିଆରପିଏଫ ଡିଜି ଡି.ଏପି ମାହେଶ୍ବରୀ

କନ୍ଧମାଳ ଜିଲ୍ଲା ବେଲଘରରେ ସିଆରପିଏଫ ଡିଜି ଡି.ଏପି ମାହେଶ୍ବରୀ। ଅଧିକ ପଢନ୍ତୁ...

କନ୍ଧମାଳ: କନ୍ଧମାଳ ଜିଲ୍ଲା ବେଲଘରରେ ସିଆରପିଏଫ ଡିଜି ଡ. ଏପି ମାହେଶ୍ବରୀ। ତେବେ ଡିଜି ଶୁକ୍ରବାର କନ୍ଧମାଳ ଗସ୍ତରେ ଆସି ନକ୍ସଲ ବିରୋଧୀ ଅପରେସନ୍ ସମ୍ପର୍କରେ ବିସ୍ତୃତ ସମୀକ୍ଷା ଓ ଆଲୋଚନା କରିଛନ୍ତି ।

ଜିଲ୍ଲାରେ ନକ୍ସଲ ଉପଦ୍ରବ ବୃଦ୍ଧି ପାଇବାରେ ଲାଗିଛି। ଏପରି ସ୍ଥଳେ ସିଆରପିଏଫ ଡିଜିଙ୍କ ଅଚାନକ ଗସ୍ତ କିଛି ନୂଆ ରଣନୀତିର ଆଭାସ ଦେଇଛି। ତେବେ ଶୁକ୍ରବାର ଅପରାହ୍ନରେ ହଠାତ୍ ସିଆରପିଏଫ ଡିଜି ହେଲିକେପ୍ଟର ଯୋଗେ ବେଲଘର ସିଆରପିଏଫ କ୍ୟାମ୍ପରେ ପହଞ୍ଚି ନକ୍ସଲ ବିରୋଧୀ ଅପରେସନ୍ ସମ୍ପର୍କରେ ବିସ୍ତୃତ ସମୀକ୍ଷା କରିଥିଲେ ।

ଏସପି ପ୍ରତୀକ ସିଂ ଓ ବରିଷ୍ଠ ପୋଲିସ୍ ଅଧିକାରୀ ଏବଂ ସିଆରପିଏଫର ବରିଷ୍ଠ ଅଧିକାରୀ ଏହି ସମୀକ୍ଷାରେ ଯୋଗ ଦେଇଥିଲେ । ତେବେ ଗ୍ରୀନ୍ ହଣ୍ଟ ପରି ଏକ ନୂତନ ଅପରେସନ୍ ଆରମ୍ଭ କରିବାକୁ ଯୋଜନା ପ୍ରସ୍ତୁତି ଓ ଆଲୋଚନା ହୋଇଥିବା ବିଶ୍ବସ୍ଥ ସୁତ୍ରରୁ ସୂଚନା ମିଳିଛି ।

ତେବେ କେକେବିଏନ୍ ଓ ବିଜିଏନ୍ ଡିଭିଜନ ହାତ ମିଶାଇ ଏବେ ଜିଲ୍ଲାରେ ସଂଗଠନକୁ ସୁଦୃଢ଼ କରିବା ସହିତ ଆକ୍ରମଣ ମଧ୍ୟ କରୁଛନ୍ତି । ଆଜିର ସମୀକ୍ଷା ଏଣୁ ଗୁରୁତ୍ବପୂର୍ଣ୍ଣ ।

କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ