କୋଭିଡ୍‌ ନିୟମ ନମାନି ବିବାହ ଅନୁଷ୍ଠିତ, ବର ପିତା ଥାନାରେ ଅଟକ

କନ୍ଧମାଳରେ କୋଭିଡ୍‌ ନିୟମ ଉଲ୍ଲଙ୍ଘନ କରି ପୁଅ ବାହାଘର କରିବା ପଡିଲା ମହଙ୍ଗା । ବର ପିତା ଥାନାରେ ଅଟକ । ଅଧିକ ପଢନ୍ତୁ...

ଫୁଲବାଣୀ: କୋଭିଡ୍‌ ନିୟମ ଉଲ୍ଲଙ୍ଘନ କରି ପୁଅ ବାହାଘର କରିବା ପଡିଲା ମହଙ୍ଗା । ବର ପିତା ଥାନାରେ ଅଟକ । ମାଇକ୍‌ ସେଟ୍‌ ଜବତ କଲା ପୋଲିସ ।

ସୂଚନାଥାଉକି, ବୁଧବାର ସନ୍ଧ୍ୟାରେ ବାଲିଗୁଡା ଥାନା ତଗାକିଆ ଗ୍ରାମର ଏକ ବିବାହ ଅନୁଷ୍ଠିତ ହେଉଥିଲା । ଗାଁର ପରମେଶ୍ବର ମଲ୍ଲିକଙ୍କ ପୁଅ ନକୁଳ ମଲ୍ଲିକଙ୍କ ସହିତ ସାତାମାସ୍କା ଗାଁର ଲହଡା ମଲ୍ଲିକଙ୍କ ଝିଅ ପ୍ରୀତି ମଲ୍ଲିକଙ୍କ ବିବାହ ଅନୁଷ୍ଠିତ ହେଉଥିଲା । ତେବେ ଏହି ବିବାହରେ 200ରୁ ଅଧିକ ଲୋକ ସାମିଲ ଥିବାର ଖବର ପାଇ ପୋଲିସ ଚଢାଉ କରିଥିଲା ।

ଚଢାଉ ସମୟରେ ବିବାହରେ ବାଜୁଥିବା ମାଇକ ସେଟ୍‌କୁ ପୋଲିସ ଜବତ କରିବା ସହ ବର ପିତାଙ୍କୁ ଅଟକ ରଖିଛି । ଏହାସହ ବର ଓ ବର ପିତାଙ୍କ ନାମରେ ମାମଲା ରୁଜୁ କରି ପୋଲିସ ତଦନ୍ତ ଚଳାଇଛି ।

କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ