ଫୁଲବାଣୀ: ଗଞ୍ଜେଇ ମାଫିଆଙ୍କ ଗ୍ୟାଙ୍ଗରେ ରହି କନ୍ଧମାଳ ଜିଲ୍ଲାର କନେଷ୍ଟବଳ ବସନ୍ତ ନାହାକ ଫିରିଙ୍ଗିଆ ଥାନା ଅଞ୍ଚଳରୁ ଗଞ୍ଜେଇ ଚାଲାଣ କରୁଥିବା ବେଳେ ଗିରଫ କରିଛି ପୋଲିସ । ଅନ୍ୟ ଦୁଇ ଜଣଙ୍କୁ ଗିରଫ କରିବା ସହିତ ବିପୁଳ ପରିମାଣରେ ଜାଲ ନୋଟ ଜବତ କରିଛି ।
କନ୍ଧମାଳ ଫିରିଙ୍ଗିଆ ଥାନା ପୋଲିସ ପେଟ୍ରୋଲିଙ୍ଗ କରି ସିମିଲି ସାହି ଛକରେ ଗୋଟିଏ ଟାଟା ସୁମୋ ଯାଞ୍ଚ କରିବା ବେଳେ ଗଞ୍ଜେଇ ଭର୍ତ୍ତି ହୋଇଥିବାରୁ ଗାଡ଼ିକୁ ଜବତ କରବା ସହ ୩ ଜଣକୁ ଗିରଫ କରିଛି । ଫିରିଙ୍ଗିଆ ଥାନା ଭାରପ୍ରାପ୍ତ ଅଧିକାରୀ ଶ୍ୟାମ ସୁନ୍ଦର ରାଓ ଖୋଳତାଡ଼ କରି ସେମାନଙ୍କ ଠାରୁ 113000 ଟଙ୍କାର ଜାଲ ନୋଟ ଓ 30କିଲୋ ଗଞ୍ଜେଇ ଜବତ କରିଥିଲେ । ଏହି ୩ ଜଣଙ୍କ ମଧ୍ୟରେ ରହିଛନ୍ତି ରିଜର୍ଭ ଅଫିସରେ ଥିବା କନଷ୍ଟେବଲ ବସନ୍ତ ନାହାକ, ଫୁଲବାଣୀ ଟାଉନର ମଧୁସୂଦନ ଦିଗାଲ ଓ ବଳଭଦ୍ର ସାହାଣୀକୁ ଗିରଫ କରି 48/2020ରେ ମାମଲା ରୁଜୁ କରିବା ସହ କୋର୍ଟ ଚାଲାଣ କରିଛି ପୋଲିସ ।