ଫୁଲବାଣୀ: କୋରୋନା ସଂକ୍ରମଣ ରୋକିବାକୁ ରାଜ୍ୟସରକାର ସହରାଞ୍ଚଳକୁ ଶନିବାର ରବିବାର ସଟଡାଉନ ଘୋଷଣା କରିବା ପରେ ଆଜି କନ୍ଧମାଳ ଜିଲ୍ଲାର ସଦରମହକୁମା ଫୁଲବାଣୀରେ ଦୋକାନ ବଜାର ବନ୍ଦ ରହିଛି ।
ପୋଲିସ ସହରରେ ପଇଁତରା ମାରିବା ସହ ବିବିନ୍ନ ଛକରେ ପୋଲିସ ଯିବା ଆସିବା ଲୋକଙ୍କୁ ଯାଞ୍ଚ କରୁଛି । ସେହିପରି ବାଲିଗୁଡ଼ା ଓ ଘୁ.ଉଦୟଗିରିରେ ମଧ୍ୟ ସଟଡାଉନ୍ ଜାରି ରହିଛି ।
ତିନି ସହରରେ ସମ୍ପୂର୍ଣ୍ଣ ସଟଡାଉନ୍ କେବଳ ଜରୁରୀକାଳୀନ ସେବା ବ୍ୟତୀତ ଦୋକାନ ବଜାର ସହ ଗାଡ଼ି ଚଳାଚଳ ବନ୍ଦ ରହିଛି । ଫୁଲବାଣୀ ସହରରେ ଗୋଟେ ପ୍ଲାଟୁନ୍ ଫୋର୍ସ ସହ 4 ରୁ 5 ଜଣ ଅଫିସର ନିୟୋଜିତ କରାଯାଇଛି । ବାହାରୁ ଆସୁଥିବା ଲୋକମାନଙ୍କୁ ଫେରେଇ ଦିଆଯାଉଛି ।
ଜିଲ୍ଲାର ବାଲିଗୁଡ଼ା ଓ ଘୁ.ଉଦୟଗିରିରେ ମଧ୍ୟ ସଟଡାଉନ୍ ଜାରି ରହିଛି । ପୋଲିସ ଗାଡି ଘନ ଘନ ପଇଁତରା ମାରୁଛି । ଜିଲ୍ଲାର ତିନି ସହରରେ ଜୀବନଯାତ୍ରା ପ୍ରଭାବିତ ହୋଇଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ