ହୋଲ୍ଡିଂ ଟ୍ୟାକ୍ସ ବୃଦ୍ଧିକୁ ନେଇ ଉତ୍ତେଜନା

ଫୁଲବାଣୀ ପୌରାଞ୍ଚଳରେ ହଠାତ ବୃଦ୍ଧି ପାଇଛି ହୋଲ୍ଡିଂ ଫି । ୫୦ରୁ ୮୦ ଏବଂ ୯୦ ଗୁଣ ପର୍ଯ୍ୟନ୍ତ ବୃଦ୍ଧି ହୋଇଛି ଟାସ୍କ । ମନଇଛା ଏପରି କରିବାକୁ ନେଇ ସହରବାସୀଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଛି । ଅଧିକ ପଢନ୍ତୁ...

ଫୁଲବାଣୀ : ଫୁଲବାଣୀ ପୌରାଞ୍ଚଳରେ ହଠାତ ବୃଦ୍ଧି ପାଇଛି ହୋଲ୍ଡିଂ ଫି । ୫୦ରୁ ୮୦ ଏବଂ ୯୦ ଗୁଣ ପର୍ଯ୍ୟନ୍ତ ବୃଦ୍ଧି ହୋଇଛି ଟାସ୍କ । ମନଇଛା ଏପରି କରିବାକୁ ନେଇ ସହରବାସୀଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଛି । ଫୁଲବାଣୀ ପୌରାଞ୍ଚଳରେ ବିନା ନୋଟିସ ଓ ପ୍ରଚାରରେ ଅଚାନକ ବୃଦ୍ଧି ହୋଇଛି ହୋଲ୍ଡିଂ ଟାସ୍କ । ପୌରପରିଷଦ ତରଫରୁ ଟାସ୍କ ବୃଦ୍ଧିକୁ ବିରୋଧ କରି ବିକ୍ଷୋଭ କରିଛନ୍ତି ଲୋକେ ।

ବିଜୁ କଲ୍ୟାଣ ମଣ୍ଡପ ଠାରେ ଉପଜିଲ୍ଲାପାଳ ଲୋକଙ୍କ ଅଭିଯୋଗ ଶୁଣିବା ବେଳେ ବିରୋଧ ପ୍ରଦର୍ଶନ କରିଥିଲେ ଲୋକମାନେ । ୨୦୨୦ ଅକ୍ଟୋବର ମାସରେ କୁଆଡେ ପ୍ରଚାର କରାଯାଇଥିଲା ବୋଲି ମୁନିସିପାଲିଟି କହୁଛି । କୋରନା କାଳରେ ଲୋକେ ବିପଦରେ ଥିବା ବେଳେ ଏପରି ମନଇଛା ଫି ବୃଦ୍ଧିକୁ ବୋଝ ଉପରେ ନଳିତା ବିଡା ବୋଲି କହିଛନ୍ତି ଲୋକେ । ସରକାର ନ ଶୁଣିଲେ ଜୋରଦାର ଆନ୍ଦୋଳନ କରାଯିବ ବୋଲି ଚେତାବନୀ ଦିଆଯାଇଛି ।

କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ