କନ୍ଧମାଳ: ଜିଲ୍ଲାର ଫିରିଙ୍ଗିଆ ଥାନା ଅଞ୍ଚଳରୁ ଗଞ୍ଜେଇ ଚୋରା ଚାଲାଣ ବେଳେ ଗଞ୍ଜେଇ ସହ 4 ଚାଲାଣକାରୀଙ୍କୁ ଗିରଫ କରିଛି ପୋଲିସ୍ । କୁଇଣ୍ଟାଲରୁ ଅଧିକ ଗଞ୍ଜେଇ ଜବତ କରିଛି ପୋଲିସ୍ । ଉବେର କାରରେ ପୋଲିସକୁ ଚକମା ଦେଇ ରାଜଧାନୀକୁ ଚାଲାଣ କରୁଥିଲେ ।
ଗଞ୍ଜେଇ ଚାଲାଣ, 4 ଗିରଫ
ଏକ ଉବେର କାରରେ ଗଞ୍ଜେଇ ଚାଲାଣ ହେଉଥିବା ବେଳେ ଫିରିଙ୍ଗିଆ ପୋଲିସ ଗଞ୍ଜେଇ ମାଫିଆକୁ ଧରିଛି। ସୂଚନା ଅନୁସାରେ ଏକ କାରରେ ଗଞ୍ଜେଇ ଚୋରା ଚାଲାଣ ହେଉଥିବା ଖବର ପାଇ ଆଇଆଇସି ପି ଶ୍ୟାମ ସୁନ୍ଦର ରାଓ ନିଜର ଏକ ପୋଲିସ ଟିମକୁ ଆଗରୁ ପବିଙ୍ଗିଆ ଠାରେ ମୁତୟନ କରିଥିଲେ। ଥାନା ଏସଆଇଙ୍କ ନେତୃତ୍ୱରେ ପୋଲିସ ପବିଙ୍ଗିଆ ଠାରେ ରାସ୍ତାରେ ଯାତାୟାତ କରୁଥିବା ଗାଡି ଗୁଡିକୁ ଯାଞ୍ଚ କରୁଥିବା ବେଳେ ଗଞ୍ଜେଇ ନେଇ ଯାଉଥିବା ଏକ ଧଳା ରଙ୍ଗର ଟାଟା ଜେଷ୍ଟ କାରକୁ ଅଟକେଇ ସେଥିରୁ 3ଟି ବସ୍ତାରେ ଥିବା ୧୦୧ କେଜି ୯୦୦ ଗ୍ରାମ ଗଞ୍ଜେଇ ଜବତ କରିଥିଲେ ।