ଫୁଲବାଣୀ: ଜିଲ୍ଲାରେ ମାତିଛନ୍ତି ଅନ୍ତଃ ରାଜ୍ୟ ଗଞ୍ଜେଇ ମାଫିଆ । ବାହାର ରାଜ୍ୟକୁ ଗଞ୍ଜେଇ ଚାଲାଣ ହେଉଥିବା ବେଳେ ମାଡ଼ିବସିଲା ପୋଲିସ । ଉତ୍ତରପ୍ରଦେଶର ଏକ 12 ଚକିଆ ଟ୍ରକରୁ 203 କିଲୋ 4ଶହ ଗ୍ରାମ ଗଞ୍ଜେଇ ଜବତ ହେବାସହ 2 ଜଣଙ୍କୁ ଗିରଫ କରିଛି ଦାରିଙ୍ଗବାଡି ପୋଲିସ । ଜବତ ଗଞ୍ଜେଇର ଆନୁମାନିକ ମୂଲ୍ୟ 8 ଲକ୍ଷରୁ ଅଧିକ ହେବ ବୋଲି ଅନୁମାନ କରାଯାଉଛି ।
ସୂଚନା ଅନୁଯାଇ ମଙ୍ଗଳବାର ରାତିରେ ପୋଲିସ ପେଟ୍ରୋଲିଂ କରିବା ସମୟରେ ବାଲିଗୁଡ଼ାରୁ 59 ନଂ ଜାତୀୟ ରାଜପଥ ଦେଇ ଦାରିଙ୍ଗବାଡ଼ିକୁ ଏକ ଖାଲି 12 ଚକିଆ ଟ୍ରକ ଆସୁଥିବା ଦେଖି ଆମ୍ବ ଖାଲିଆ ଘାଟିରେ ସନ୍ଦେହ କରି ଗାଡ଼ିର ଯାଞ୍ଚ କରିଥିଲା । ଗାଡ଼ିର ଏକ କେବିନରୁ ଚାରୋଟି ଜରି ବ୍ୟାଗ ଭର୍ତ୍ତି ୨୦୩ କେଜି ୪୦୦ଗ୍ରାମ ଗଞ୍ଜେଇ ରହିଥିବା ଦେଖିବାକି ମିଳିଥିଲା । ଏହାପରେ ପୋଲିସ ଟ୍ରକ ସହିତ ଗଞ୍ଜେଇ ଜବତ କରି ଦୁଇ ଜଣଙ୍କୁ ଗିରଫ କରିଥିଲା । ଗଞ୍ଜେଇ ଚାଲାଣ ଘଟଣାରେ ଗିରଫ ହୋଇଥିବା ଦୁଇଜଣ ଉତ୍ତରପ୍ରଦେଶ କୌଶମ୍ବି ଜିଲ୍ଲା ସୈନି ଥାନା ଅନ୍ତର୍ଗତ ସାରୁଖ ଖାନ ଓ ଫତେପୁର ଜିଲ୍ଲା ଖାଖେରୁର ପୁଅ ଅଜୟ କୁମାର ପାଲ ବୋଲି ଜଣାପଡ଼ିଛି । ଦୁଇଜଣ କୋର୍ଟ ଚାଲାଣ ହୋଇଥିବା ଥାନା ଅଧିକାରୀ କୌଶିକ ମାଝୀ ସୂଚନା ଦେଇଛନ୍ତି ।
ଇଟିଭି ଭାରତ, କନ୍ଧମାଳ