ମାଛ ମାରିବା ବେଳେ ହାତବୋମା ଫୁଟି ଜଣେ ଗୁରୁତର

ମାଛ ମାରିବା ପାଇଁ ନଦୀକୁ ବୋମା ଫିଙ୍ଗୁଥିବା ବେଳେ ବିସ୍ଫୋରଣ ହୋଇ ଜଣେ ଗୁରୁତର ଆହତ ହୋଇଥିବା ଜଣାପଡିଛି । ଅଧିକ ପଢ଼ନ୍ତୁ...

ଫୁଲବାଣୀ: କଲେଜ ଛକ ପିଲା ସାଲୁଙ୍କି ପୋଲ ତଳେ ବୋମା ଫୁଟିଥିବା ଜଣାପଡିଛି । ବୋମା ବିସ୍ଫୋରଣରେ ଜଣେ ଗୁରୁତର ଆହତ ହୋଇଛନ୍ତି। ତାଙ୍କ ଡାହାଣ ହାତ ଉଡିଯାଇଥିବା ବେଳେ ମୁହଁ ଓ ଶରୀରରେ ଗୁରୁତର ଆଘାତ ଲାଗିଛି।

ମାଛ ମାରିବା ପାଇଁ ନଦୀକୁ ବୋମା ଫିଙ୍ଗୁଥିବା ବେଳେ ବିସ୍ଫୋରଣ ହୋଇଥିବା ପ୍ରାଥମିକ ତଦନ୍ତରୁ ପୋଲିସ କହିଛି। ଗୁରୁତର ବ୍ୟକ୍ତି ସଦର ଥାନା ଅନ୍ତର୍ଗତ ବିଶିପଡା ମାଝିପଡାର ଜଗନ୍ନାଥ ବେହେରା ବୋଲି ଜଣା ପଡିଛି। ଅତି ଗୁରୁତର ଥିବାରୁ ତାଙ୍କୁ ବ୍ରହ୍ମପୁର ବଡ ମେଡ଼ିକାଲକୁ ସ୍ଥାନାନ୍ତର କରାଯାଇଛି ।

ଟାଉନ ପୋଲିସ ଫୁଲବାଣୀ ଜିଲ୍ଲା ମେଡିକାଲରେ ପହଁଞ୍ଚି ତଦନ୍ତ କରିଛି। ବିସ୍ଫୋରଣ ଶବ୍ଦ ଶୁଣି ସ୍ଥାନୀୟ ଲୋକ ଦମକଳ ବାହିନୀକୁ ଖବର ଦେଇଥିଲେ । ସୂଚନା ପାଇଁ ଦମକଳ ବାହୀନି ଘଟଣାସ୍ଥଳରେ ପହଁଞ୍ଚି ଆହତଙ୍କୁ ଉଦ୍ଧାର କରିବା ସହ ମେଡ଼ିକାଲକୁ ନେଇଥିଲା। ଗୁରୁତର ଜଗନ୍ନାଥ ଫୁଲବାଣୀ ସାଲୁଙ୍କି ସାହିରେ ରହୁଥିଲେ। ଖୋଲାଖୋଲି ଏପରି ହାତବୋମା ବ୍ୟବହାର ହେବା ପୋଲିସ ପାଇଁ ଚିନ୍ତାର ବିଷୟ ହୋଇଛି।

କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ