ଫୁଲବାଣୀ: କନ୍ଧମାଳ ଜିଲ୍ଲା ଦାରିଙ୍ଗବାଡିର ଡୁଲୁରି ପାଇନ ବଣ ନିକଟରେ ଅଭାବନୀୟ ଘଟଣା । ଏଠାରେ ଅଚନାକ ଚଳନ୍ତା ଅଟୋ ଉପରେ ପଡ଼ିଲା ପାଇନ ଗଛ । ଏହି ଘଟଣାରେ ଜଣଙ୍କର ମୃତ୍ୟୁ ଘଟିଥିବା ବେଳେ 4 ଜଣ ଗୁରୁତର ଅଛନ୍ତି । ସେମାନଙ୍କ ମଧ୍ୟରୁ ଜଣଙ୍କ ଅବସ୍ଥା ସଙ୍କଟାପନ୍ନ ଥିବାରୁ ବ୍ରହ୍ମପୁର ବଡ ମେଡିକାଲ ସ୍ତାନାନ୍ତର କରାଯାଇଛି ।
ଚଳନ୍ତା ଅଟୋରେ ପାଇନ ଗଛ ପଡି ୱାର୍ଡମେମ୍ବର ମୃତ - ଦାରିଙ୍ଗବାଡିରେ ଅଟୋ ଦୁର୍ଘଟଣା
କନ୍ଧମାଳ ଜିଲ୍ଲା ଦାରିଙ୍ଗବାଡିର ଡୁଲୁରି ପାଇନ ବଣ ନିକଟରେ ଅଭାବନୀୟ ଘଟଣା । ଚଳନ୍ତା ଅଟୋ ଉପରେ ପଡିଲା ପାଇନ ଗଛ । ଘଟଣାରେ ଜଣଙ୍କର ମୃତ୍ୟୁ ଘଟିଥିବା ବେଳେ 4 ଜଣ ଗୁରୁତର ଅଛନ୍ତି । ଏସମ୍ପର୍କରେ ଅଧିକ ପଢନ୍ତୁ...
ଚଳନ୍ତା ଅଟୋ ଉପରେ ପଡିଲା ପାଇନ ଗଛ: 1 ମୃତ, 4 ଗୁରୁତର
ସୂଚନା ଅନୁସାରେ ଦାରିଙ୍ଗବାଡି ଥାନା ଅନ୍ତର୍ଗତ ପ୍ଲିହେରି ଗାଁ ନିକଟରେ ଗୁରୁବାର ଅପରାହ୍ନ ୪ଟା ସମୟରେ ଏକ ଚଳନ୍ତା ଅଟୋ ଉପରେ ପାଇନ ଗଛ ପଡିଯାଇଥିଲା । ଫଳରେ ଘଟଣାସ୍ଥଳରେ ଜଣେ ମହିଳାଙ୍କ ମୃତ୍ୟୁ ହୋଇଥିବା ବେଳେ ୪ଜଣ ଆହତ ହୋଇଛନ୍ତି । ମୃତ ମହିଳା ଜଣକ ପ୍ଲିହେରି ପଞ୍ଚାୟତର ୱାର୍ଡ ମେମ୍ବର ବୋଲି ଜଣାପଡିଛି l ଘଟଣା ସମ୍ପର୍କରେ ଖବର ପାଇ ଘଟଣାସ୍ଥଳରେ ଦାରିଙ୍ଗବାଡି ପୋଲିସ ଓ ଅଗ୍ନିଶମ ବିଭାଗ ପହଞ୍ଚି ତଦନ୍ତ ଆରମ୍ଭ କରିଛନ୍ତି l ସେପଟେ ଘଟଣାସ୍ଥଳରେ ଚାପା ଉତେଜନା ଦେଖା ଦେଇଛି l
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ